ID 2438 Rettleiar i oppfølgingsteamet - NAV Stord kommune

Ynskjer du å bidra til at fleire skal få moglegheiter i arbeidslivet og utgjer ein skilnad? Då kan du vera personen me ser etter!

Nav Stord er regionskontoret i Sunnhordland. Me er per i dag om lag 60 tilsette. Ein vil vere tilsett og ha kontorstad på Nav Stord, men det er forventa at ein er ute i møter hjå eksterne samarbeidspartar i stillinga.

Me søkjer ein dedikert rettleiar til oppfølgingsteamet på Nav Stord. Rettleiarane i oppfølgingsteamet driv oppfølging av menneske med behov for bistand for å kunne delta i arbeidslivet. Me ser etter deg som ser viktigheita av heilskapleg oppfølging, samt samarbeid med arbeidsgivarar, helsevesenet og andre aktuelle partar i tråd med samfunnsoppdraget til Nav.

Det er frå 01.08.26, ledig fast 100% stilling som rettleiar i oppfølgingsteamet. Arbeids- og ansvarsområde:

• Kartlegge og avklare den einskilde sine ressursar, moglegheiter og oppfølgingsbehov

• Oppsøkje og skape dialog med verksemder i nærområdet og regionen

• Ha tett oppfølging av brukarar med fokus på motivasjon, meistring og arbeid

• Bidra til gode relasjonar internt og eksternt, og bruke relevante tiltak og verkemiddel for arbeidsinkludering

• Gjere vurderingar, saksbehandla og dokumentere med utgangspunkt i aktuelt lovverk som folketrygdlova, forvaltningslova og Nav-lova

Nav er ein organisasjon i stadig utvikling og endring, og arbeids- og ansvarsområdet for stillinga kan difor endre seg etter behov.

Kvalifikasjonskrav: Du må ha:

• Minimum 3-årig relevant høgskuleutdanning, fortrinnsvis innan helse- og sosialfag, samfunnsfag og juridiske fag.

• God munnleg og skriftleg framstillingsevne på norsk

• Erfaring frå oppgåver som krev samarbeid med andre

• Førarkort kl. B

Det er ynskjeleg at du har:

• God digital kompetanse

• Kjennskap til LEAN-metodikk

• Erfaring frå oppfølgingsarbeid, rettleiing eller motivasjonsarbeid

• Forståing for forvaltning av lovar og reglar

Me ser etter deg som:

• Er ein god relasjonsbyggar

• Jobbar strukturert, kan dokumentere løpande og veksle mellom ulike arbeidsoppgåver

• Tek ansvar for eigen fagleg utvikling og medverkar til eit godt arbeidsmiljø

• Har indre motivasjon for å hjelpe menneske i ulike livssituasjonar

• Er målretta og arbeider systematisk

• Er tydeleg, løysingsorientert og har gode samhandlingsevner

  
  

Personlege eigenskapar vil bli vektlagt.

I søknadsteksta ber me deg skrive noko om kva som motiverer deg til å søke på denne stillinga.

Me kan tilby:

• Meiningsfulle og utfordrande arbeidsoppgåver i ein organisasjon med eit viktig samfunnsoppdrag

• Store moglegheiter for fagleg og personleg utvikling

• Eit arbeidsmiljø med høg trivsel som er prega av godt kvalifiserte og engasjerte medarbeidarar

• Fleksibel arbeidstid og moglegheit for trening i arbeidstida

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktperson:

Siv-Iren Sijtsema, Avdelingsleiar for Oppfølgingavdelinga ved Nav Stord Tlf. 48071015 siv-iren.sijtsema@nav.no