Ungdomsrettleiar

Vil du jobbe med arbeidsinkludering og førebyggje utanforskap blant ungdom i Alver og region Nordhordland? No tilset vi ein rettleiar i 100 % engasjement i inntil 1 år i ungdomsteamet i Nav Alver og region Nordhordland.

Nav har ekstra innsats retta mot ungdom gjennom Ungdomsgarantien, og vi har eit eige team med rettleiarar som følgjer opp unge. I Nav jobbar vi for at menneske skal få høve til arbeid og aktivitet. Vi har stort fokus på inkluderingsarbeid, marknadsarbeid og relasjons- og kommunikasjonsarbeid. Du vil jobbe i tett dialog med arbeidsgjevarar og tiltaksarrangørar.

Nav Alver er ein del av Nav region Nordhordland. Arbeidsstaden er Nav Alver, men som ein del av det regionale ungdomsteamet kan du få oppgåver i heile regionen. Nav Nordhordland er i stadig utvikling, så vi treng deg som likar å lære nye ting og som vil medverke til god utvikling.
Teamet som arbeider med unge er organisatorisk knytt til avdelinga ungdom og integrering i Nav Alver. Avdelinga har ansvar for oppfølging av unge og for busetjing og integrering av flyktningar. Breidda i oppfølgingsarbeidet er stor, og du vil få ein variert arbeidskvardag.

Hos oss får du ein jobb med meining – og ein arbeidsplass der vi heiar på kvarandre, utviklar oss saman og jobbar for eit meir inkluderande arbeidsliv.

Nav sitt oppdrag er å sikre folk tryggleik og støtte dei vidare mot arbeid og aktivitet. Vi jobbar for eit samfunn og arbeidsliv der alle kan bidra. For å lukkast hos oss må du vere ein lagspelar som fungerer godt i samarbeid, men òg ta ansvar sjølv, vere uredd og nysgjerrig på fagleg utvikling. Du må òg trivast med å reise ut til arbeidsgjevarar.

Hos oss får du ein jobb med meining – og ein arbeidsplass der vi heiar på kvarandre, utviklar oss saman og jobbar for eit meir inkluderande arbeidsliv. I søknadsteksten ber vi deg leggje vekt på kva som motiverer deg til å søkje denne stillinga.

Kva går jobben ut på?

• rettleie, motivere og følgje opp ungdom med utgangspunkt i at alle ungdomar skal vere i aktivitet og i samsvar med ungdomsgarantien
• oppfølging av ei portefølje på om lag 50 ungdomar i tråd med ungdomsgarantien
• følge opp menneske tett og heilskapleg mot arbeid og aktivitet
• rettleie gjennom samtalar, digitale møter og tett dialog med ungdom og arbeidsgivarar
• kartlegge ressursar og støtte menneske i å finne gode løysingar
• samhandle breitt med arbeidsgivarar, helsevesen og samarbeidspartnarar
• vere ein aktiv medspelar i fagmiljøet på kontoret og bidra til gode løysingar til beste for dei unge innbyggjarane våre
• bistå i gruppetiltak for ungdom
  

Arbeidsoppgåvene kan variere etter behov, både på kontoret og i regionen.

Kva kompetanse er viktig i denne rolla?

Du må ha

• fullført utdanning på minimum bachelornivå. Relevant utdanning og/eller erfaring kan kompensere for kravet til utdanning.
• rettleiar eller rådgjevingskompetanse
• god munnleg og skriftleg formidlingsevne på norsk
• førarkort klasse B
  

Det er ein fordel om du har

• erfaring frå arbeidsretta brukaroppfølging
• kjennskap til Nav, relevant regelverk og offentleg forvaltning
• god digital kompetanse
• god relasjonskompetanse
• god kunnskap om arbeidsmarknaden
  

Kva vi ser etter hos deg?

• du er sjølvstendig, strukturert og lærevillig
• du har gode samarbeidsevner og evne til å skape tillit og motivere menneske i ulike situasjonar
• du er fleksibel og klarer å handtere krevjande situasjonar på ein roleg og profesjonell måte, også i ein hektisk arbeidskvardag

Kvifor velje Nav Alver?

• eit års engasjement med meiningsfylte oppgåver og stor variasjon i kvardagen
• godt arbeidsmiljø, engasjerte kollegaer og fokus på tverrfagleg samarbeid
• gode moglegheiter for fagleg utvikling
• kollegarettleiing og kollegastøtte
• fleksibel arbeidstid, moglegheit for hybrid arbeidskvardag, fysisk aktivitet i arbeidstida
• stillinga blir plassert i stillingskode 1434 rådgivar. Lønsspennet er frå kr. 622 000 –  kr. 660 000 per år, avhengig av ansiennitet og kompetanse. For særs kvalifiserte søkarar kan høgare lønn vurderast.
• god pensjonsordning, låneordning og forsikringar gjennom Statens pensjonskasse

 
Les meir om Nav som arbeidsgivar

Kontaktinformasjon

Karen Aasmyr, Controller og prosessrettleiar, 900 13 845, Karen.Sofie.Aasmyr@nav.no
Vibeke Gjervik, Avdelingsleiar, 40477119, Vibeke.Gjervik@nav.no

Arbeidsstad

Kvernhushaugane 2
5914 Isdalstø

Nøkkelinformasjon:

Arbeidsgivar: Nav

Referansenr.: 5096408407
Stillingsprosent: 100%
Engasjement
Søknadsfrist: 04.05.2026