Rettleiar i Nav - vikariat

Vil du bidra til at personar som er arbeidsledige, er sjuke eller har nedsatt arbeidsevne kjem seg i arbeid? Trur du at dei fleste, sjølv med fysiske eller psykiske utfordringar, kan stå i ordinært arbeid? Ønskjer du å jobbe med eit viktig samfunnsoppdrag? Ser du moglegheiter og er god til å motivere?
Då håper vi du vil søke jobb hos oss!

Nav Bergen sør ser etter medarbeidarar som ønsker å hjelpe menneske med mål om å komme i eller behalde arbeid. Du vil bli ein del av ei avdeling som arbeider med brukarar over 30 år. Det er no ledig inntil to vikariat, foreløpig for 4 månader, med moglegheit for forlenging.

Vi er eit kontor i stadig utvikling, med kvalifiserte og motiverte medarbeidarar. Vi gjer tenester til bydelane Fana og Ytrebygda. Vi held til på Kokstadflaten, i flotte lokale med aktivitetsbaserte arbeidsplassar.

Nav Bergen sør består av ein statleg og ein kommunal del, og desse stillingane tilsettast i den statlege delen. Vi er organisert i ulike team, inndelt etter brukarane sine behov for tenester. 

Kva går jobben ut på?

• kartlegging, oppfølging, rettleiing og motivering av brukarar med mål om å få eller behalde arbeid
• saman med brukar kartlegge kompetanse, ressursar og sjå moglegheiter hos arbeidsgjevarar og/eller i arbeidsmarknaden
• vurdere, iverksette og følge opp aktuelle arbeidsretta tiltak 
• samarbeid med arbeidsgjevarar, helsetenester, tiltaksarrangørar og andre samarbeidspartnarar
• dokumentere arbeidet i Nav sine datasystem
• sakshandsaming etter gjeldande lovverk

Andre oppgåver må påreknast

Kva kompetanse er viktig i denne rolla?

Du må ha

• høgare utdanning på minimum bachelornivå, gjerne innan helsefag, samfunnsfag, pedagogikk eller rettleiing. Relevant erfaring og/eller utdanning kan kompensere for kravet til utdanning. 
• rettleiingskompetanse eller erfaring frå oppfølging av menneske i ulike livsfasar
• være flink til å handtere digitale verktøy i arbeidet, og ha kjennskap til Office 365
• god munnleg og skriftleg framstillingsevne og gode norskkunnskapar  (minimum tilsvarande nivå B2)
  

Det er ein fordel at du har 

• kjennskap til arbeidsmarknaden  
• erfaring med sakshandsaming frå offentleg sektor

Kva ser vi etter hos deg?

• du er trygg og taklar ein variert og hektisk arbeidskvardag
• du arbeider målretta, systematisk og heilskapleg
• du er god til å motivere, skape engasjement og bygge relasjoner 
• du vil møte menneske med ulike utfordringar og behov. Det er derfor viktig at du kan lytte, rådføre deg med andre og kommunisere klart og tydeleg

Kvifor velje oss?

• moglegheit til å gjere ein forskjell i ein organisasjon med eit særs viktig samfunnsoppdrag
• eit godt og inkluderande arbeidsmiljø prega av engasjerte og kunnskapsrike kollegaer, og gode høve for fagleg utvikling
• velferdsgode som fleksibel arbeidstid og høve til trening i arbeidstida
• bybanestopp like ved kontoret og parkeingshøve
• statleg tilsetting i stillingskode 1434 rådgivar med lønsspenn frå kr. 622 000,- til kr. 660 000,- per år.  For særs kvalifiserte søkarar kan høgare lønn vurderast. 
  
• god pensjonsordning, låneordning og forsikringar gjennom Statens pensjonskasse 

Les meir om Nav som arbeidsgivar

Kontaktinformasjon

Stian Nygård, Avdelingsleiar, 911 11 152, stian.nygard@nav.no
Bente Woods, Avdelingsleiar, 95760993, bente.sandum.woods@nav.no

Arbeidssted

Kokstadflaten 40
5257 Kokstad

Nøkkelinformasjon:

Arbeidsgiver: Nav

Referansenr.: 5109631502
Stillingsprosent: 100%
Vikar
Søknadsfrist: 22.04.2026