ID 1056 Rådgjevar, vil du gjere ein forskjell – og hjelpe menneske ut i arbeid? 100 % vikariat

NAV Fitjar har ledig eit lengre Rådgjevar vikariat fram til 31.08.27 i 100 %

Likar du å samarbeide med andre for å hjelpe menneske ut i jobb? Då kan du vera kollegaen me ynskjer oss. NAV Fitar er eit av 6 kontor i Region Sunnhordland. Me er 9 tilsette og har kontor i Fitjar sentrum. NAV har som oppgåve å avklare og skaffe relevant arbeidskraft til offentlege og private verksemder. For å lykkast med samfunnsoppdraget vårt er me avhengig av god dialog og utstrakt samhandling med arbeidsgivarar og aktuelle samarbeidspartnarar.

Me tilbyr spanande oppgåver og moglegheit til å vera med å utvikle kontoret sitt marknads- og inkluderande arbeid.

Arbeidsoppgåver

• Oppsøkje og skape dialog med verksemder i nærområdet og regionen

• Avklare og kartleggje arbeidssøkjar sitt oppfølgingsbehov

• Løfte fram og kople arbeidssøkjar til ledige stillingar og arbeidsretta tiltak i ordinære verksemder

• Kontakt med samarbeidspartnarar til dømes behandlarar, spesialisthelseteneste og tiltaksarrangørar

  
  

Då Nav er i stadig utvikling og endring, kan andre arbeidsoppgåver bli aktuelle.

Kvalifikasjonar

Du må ha:

Fullført utdanning tilsvarande bachelorgrad, helst innafor samfunnsfag, sosialfag, pedagogikk, HR/personal eller rettleiing. Relevant arbeidserfaring kan kompensere for utdanningskravet.

Det er ynskjeleg at du har:

• røynsle med å jobbe sjølvstendig.

• god formidlingsevne.

• god digital kompetanse.

• rettleiingskompetanse

• røynsle frå endrings- og motivasjonsarbeid

• røynsle med undervisning i klasserom og grupper

Personlege eigenskapar

Me ser etter deg som:

• har evne til å motivere og engasjere.

• er ein relasjonsbyggjar.

• har god gjennomføringsevne og er resultatorientert.

• er tydeleg, løysingsorientert og har gode samhandlingsevner.

• er målretta og arbeider systematisk, både sjølvstendig og i team.

• tek ansvar for eigen fagleg utvikling og medverkar til eit godt arbeidsmiljø.

• Personlege eigenskapar vil bli vektlagt

Me tilbyr

• Ein triveleg og hektisk arbeidsplass med dyktige medarbeidarar

• Ein spannande og utfordrande jobb

• Fleksibel arbeidstid