Er du den som får unge til å tru på eigne moglegheiter?

Vil du vere med og støtte unge menneske i å ta i bruk ressursane sine og finne vegen vidare til utdanning eller arbeid? Trur du, som oss, at dei fleste kan stå i ordinært arbeid med rett støtte – også dei som møter helseutfordringar eller andre barrierar? Då kan denne stillinga vere rett for deg.

Nav Bergen vest søkjer no ein engasjert rettleiar til ungdomsavdelinga. I denne rolla blir du ein viktig del av eit solid fagmiljø som jobbar målretta for å hjelpe unge brukarar vidare i livet. Vi har høge ambisjonar for kvalitet, kompetanse og resultat, og arbeider kontinuerleg med å utvikle betre tenester for dei vi er her for.

Kontoret er eitt av sju Nav-kontor i landet som deltek i utprøvinga av Ungdomsprogrammet, ei viktig satsing frå regjeringa for å få fleire unge ut i arbeid og utdanning. I denne stillinga får du høve til å bidra direkte inn i dette utviklingsarbeidet.

Kva går jobben ut på? 

• kartleggje ressursar, behov og motivasjon knytt til arbeid, utdanning og aktivitet
• følgje opp unge brukarar gjennom individuelle samtalar, samarbeidsmøte og digital dialog
• rettleie både einskildpersonar og grupper
• støtte ungdom i å identifisere, utvikle og ta i bruk eiga kompetanse
• samarbeide tett med arbeidsgivarar, fylkeskommune, tiltaksbedrifter og andre relevante partnarar
• handsame saker etter gjeldande lovverk innan Nav sitt ansvarsområde
  

Arbeidsoppgåvene kan endre seg over tid.

Kva kompetanse er viktig i denne rolla? 

Du må ha

• Fullført utdanning på minimum bachelornivå. Gjerne innen sosialfag, samfunnsfag, pedagogikk, jus eller helsefag. Relevant utdanning og/eller erfaring kan kompensere for kravet til utdanning.  
  
• erfaring med rettleiing eller anna arbeid i direkte kontakt med menneske
• god skriftleg og munnleg framstillingsevne på norsk
• gode digitale ferdigheiter
  

Det er ein fordel om du har

• erfaring med å rettleie ungdom mot arbeid eller utdanning
• kunnskap om utdanningsløp og arbeidsmarknaden
• erfaring med arbeidsretta oppfølging og avklaring
• erfaring frå nettverksarbeid og tverrfagleg samarbeid
• kompetanse eller erfaring knytt til psykiske helseutfordringar

Kva ser vi etter hos deg?

• skapar tillit og gode relasjonar
• kommuniserer tydeleg og motiverer til endring
• jobbar strukturert og handterer ein variert kvardag
• er fleksibel, løysingsorientert og bidreg positivt i arbeidsmiljøet

Kvifor velje oss?

• ei spennande stilling i eit godt arbeidsmiljø prega av høg kompetanse og engasjerte medarbeidarar 
• store moglegheiter for fagleg og personleg utvikling 
• fleksibel arbeidstid, heimekontorordning og moglegheit for trening i arbeidstida 
• god pensjonsordning, låneordning og forsikringar gjennom Statens pensjonskasse 
• stillinga blir plassert i stillingskode 1434 rådgiver. Lønsspennet er frå kr.622 000 til 660 000. For særs kvalifiserte søkarer kan høgare lønn vurderast.

Les meir om Nav som arbeidsgivar

Kontaktinformasjon

Anders Gjerstad, Avdelingsleiar, 92210028, anders.gjerstad@nav.no
Cathrine Tau, Einingsleiar, 92453339, cathrine.tau@nav.no

Arbeidssted

Loddefjordveien 2
5171 Loddefjord

Nøkkelinformasjon:

Arbeidsgiver: Nav

Referansenr.: 5096547247
Stillingsprosent: 100%
Fast
Søknadsfrist: 02.04.2026