Ser du moglegheiter der andre ser utfordringar?

Vi ser etter deg som trivst med å finne gode løysingar i samspel med menneske som står i krevjande situasjonar og treng støtte. Er du ein person med pågangsmot og engasjement, og som ønskjer å gjere ein forskjell? Trivst du i ein hektisk kvardag med varierte oppgåver?
Då kan du vere den vi ser etter!

Nav Bergen vest har to faste, ledige stillingar som rettleiar. Arbeidet inneber oppfølging av arbeidssøkarar og personar som av ulike grunnar står utanfor arbeidslivet. Ei sentral oppgåve er å kartleggje, rettleie og motivere. Som rettleiar blir du ein del av eit fagmiljø som kvar dag jobbar for å førebyggje og redusere utanforskap.

Nav Bergen vest er ein del av Nav region Bergen og samarbeider tett med dei andre bydelskontora. Kontoret har todelt leiarmodell, med ein statleg og ein kommunal leiar. Dei ledige stillingane høyrer til den statlege delen. Kontoret har rundt 150 tilsette og gir tenester til bydelane Fyllingsdalen og Laksevåg. Vi held til i sentrale og nyoppussa lokale på Vestkanten storsenter. 

Kva går jobben ut på? 

• gi individuell oppfølging av arbeidssøkarar, med fokus på kartlegging av kompetanse, behov og mål
• gi målretta vegleiing og motivasjonsarbeid mot arbeid, utdanning eller arbeidsretta aktivitet
• følge opp brukarar gjennom både fysiske og digitale samtalar
• samhandle tett med arbeidsgivarar, tiltaksarrangørar og andre samarbeidspartnarar
• utføre saksbehandling i tråd med folketrygdlova, Nav‑lova og tiltaksforskrifta
  

Vi gjer merksam på at arbeidsoppgåver og avdelingstilknyting kan bli endra. 

Kva kompetanse er viktig i denne rolla?

Du må ha

• fullført utdanning på minimum bachelornivå. Relevant erfaring og/eller utdanning kan kompensere for kravet til utdanning.
• god digital kompetanse og evne til å handtere mange ulike fagsystem 
  
• god skriftleg og munnleg kommunikasjonsevne på norsk
• rettleiingskompetanse 

Det er ein fordel om du har

• samfunnsengasjement 
• kunnskap om arbeidsmarknaden og arbeidslivet sine behov 

Kva ser vi etter hos deg?

• er trygg og taklar ein variert og hektisk arbeidskvardag 
  
• set deg inn i nye arbeidsoppgåver og utfordringar 
  
• er god til å byggje relasjonar, motivere og inspirere 
  
• har gode samarbeidsevner 
  
• er strukturert og har god arbeidskapasitet 
  
• er fleksibel og løysingsorientert 

Kvifor velje oss?

• ei spennande stilling i eit godt arbeidsmiljø prega av høg kompetanse og engasjerte medarbeidarar 
• store moglegheiter for fagleg og personleg utvikling 
• fleksibel arbeidstid, heimekontorordning og moglegheit for trening i arbeidstida 
• god pensjonsordning, låneordning og forsikringar gjennom Statens pensjonskasse 
• statleg tilsetting i stillingskode 1434 Rådgiver med lønsspenn frå kr. 622 000,- til kr. 660 000,- per år.  For særs kvalifiserte søkarar kan høgare lønn vurderast.  

Les meir om Nav som arbeidsgivar

Kontaktinformasjon

Cathrine Tau, Avdelingsdirektør, 92453339
Ingvild Haugland, Avdelingsleiar, 93209972

Arbeidssted

Loddefjordveien 2
5171 Loddefjord

Nøkkelinformasjon:

Arbeidsgiver: Nav

Referansenr.: 5096766044
Stillingsprosent: 100%
Fast
Søknadsfrist: 31.03.2026