Fag- og opplæringsansvarleg for etterforsking, etterretning og førebygging

Om stillinga

Vi har ledig ei fast stilling som fag- og opplæringsansvarleg innan etterforsking, etterretning og førebygging (FOA). Som FOA vil du få ei sentral rolle med ansvar for fag- og metodeutvikling og kompetanseheving innan fagområda i Møre og Romsdal politidistrikt.

FOA samarbeider tett med FOA Påtale, hovudinstruktørar og fagmiljø. FOA og FOA påtale er politidistriktet sine bindeledd mot Politidirektoratet, Kripos, Politihøgskulen, lokalt statsadvokatembete og andre politidistrikt knytt til fagutvikling, fagforvaltning, fagleiing og etablering av beste praksis.

Ein kjernefunksjon er å bidra til at politidistriktet har kompetente fagmiljø for å sikre kvalitetsmessig og effektiv straffesaksbehandling. Dette sikrast i hovudsak gjennom Obligatorisk årlig opplæring og Systematisk erfaringslæring. Distriktet har også nyleg etablert et lokalt Etterforskningsløft med fleire tiltak for å utvikle etterforskingsfeltet.

FOA høyrer til seksjon for etterforsking ved felles eining for etterretning, førebygging og etterforsking (FEFE), og arbeidstaden din vil vere anten i Ålesund, Molde eller Kristiansund. Du må pårekne noko reiseverksemd i stillinga.

Dette ser vi etter hos ein ny medarbeidar

Vi ser etter deg som har interesse og motivasjon innan fagutvikling og kompetanseheving, og som har gode kommunikasjonsevner, gjennomføringsevne og samhandlar godt med andre.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Arbeidsoppgåver

• ansvar for fag- og metodeutvikling og kompetanseheving innan etterretning, førebygging og etterforsking
• leggje til rette for kunnskapsbasert erfaringslæring
• følgje opp obligatorisk årleg opplæring (OÅO) i politidistriktet
• samhandle med FOA Påtale og statsadvokatembete, hovedinstruktørar/møteleiarar og HR  
• delta i relevante nasjonale fagnettverk
• bidra til erfaringsdeling og samhandling
• bidra til gjennomføring av beredskapsøving og utvikling innan planverk
• opplæring og rettleiing
• oppfølging av Etterforskningsløftet
• kan påleggast andre oppgåver

Kvalifikasjonar

Dette må du ha for å vere kvalifisert:

• fullført utdanning frå Politi(høg)skolen
• god organisasjonsforståing
• brei erfaring frå politiet
• minimum fem års erfaring frå etterforskingsfeltet
• erfaring frå kunnskapsbasert politiarbeid med fokus på førebyggjande som primærstrategi
• god kjennskap til etterforsking, etterretning, instruksar, lovverk og bruk av politiet sine IT verktøy
• norsk og engelsk skriftleg og munnleg
• gode kunnskapar i bruk av sentrale saksbehandlings- og prosjektstyringssystem i politiet
• plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.

Det er også ønskjeleg med

• vidareutdanning i etterforsking (VEF)
• anna relevant vidareutdanning innan etterforsking, etterretning og førebygging
• veiledningspedagogikk 1
• erfaring innan fagleiing
• erfaring innan opplæring
• erfaring med evaluerings- og forbetringsprosessar

Personlege eigenskapar

• gode samarbeidsevner og opptatt av å skape resultat i samhandling med andre
• gode evner til kommunikasjon og relasjonsbygging
• strukturert og systematisk i arbeidet ditt
• høg arbeidskapasitet 
• ser etter nye løysingar og utviklar gode arbeidsmetodar for å skape gode resultat

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• ei fagleg givande og sentral stilling i arbeidet med å utvikle politiet for framtida
• fast stilling som politioverbetjent, stillingskode 0287, med brutto årslønn på frå kr. 700 000 til kr. 780 000 
• for særskilt kvalifiserte kandidatar kan noko høgare lønnsplassering bli vurdert
• godtgjersle etter gjeldande ATB, som for tida er kr. 44 708, og tillegg for eventuell turnusteneste
• medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no. Det blir trekt to prosent frå løna til innskot i Statens pensjonskasse
• mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.