Kulturkonsulent

Vil du vere med å skape gode oppvekstvilkår for barn og unge?
Vi søkjer ein engasjert og utviklingsorientert kulturkonsulent for barn og unge i Bremanger kommune.
Dette er ei spennande stilling for deg som ønskjer å bidra til eit inkluderande og aktivt kultur- og fritidstilbod for barn og unge i lokalsamfunnet.

Dette er eit vikariat f.o.m. 01.08.26 t.o.m. 31.12.26 med høve til forlenging.

Arbeidsoppgåver

Om stillinga
Som kulturkonsulent får du ei sentral rolle i arbeidet med å utvikle og koordinere kultur- og fritidstilbod for barn og ungdom i samarbeid med fagleiargruppa i kultur og fritid. Stillinga ligg til oppvekst, kultur og fritid, og inneber tett samarbeid med skular, frivillige lag og organisasjonar, tilsette i kommunen og andre samarbeidspartar.

Arbeidsoppgåver

• Planleggje, utvikle og drifte fritidsklubbar for barn og ungdom
• Koordinere og følgje opp Den kulturelle skulesekken (DKS)
• Vidareutvikle og organisere tiltak innan Open skule
• Ansvar for BUA – utlån av utstyr til fritidsaktivitetar
• Initiere og gjennomføre arrangement, aktivitetar og prosjekt
• Samarbeide med frivillige lag, kulturliv og ungdom sjølve
• Bidra til medverknad og inkludering av barn og unge
• Administrative oppgåver knytt til planlegging, rapportering og økonomi

Kvelds- og helgearbeid må påreknast

Kvalifikasjonar

• Relevant høgare utdanning innan kultur, pedagogikk eller tilsvarande. Andre kan også søkje.
• Erfaring frå arbeid med barn og unge er ein fordel
• Erfaring frå prosjektarbeid og koordinering
• God munnleg og skriftleg framstillingsevne på nynorsk
• Digital kompetanse

Gyldig politiattest må leggjast fram før tilsetjing

Personlege eigenskapar

• Engasjert og initiativrik
• Gode samarbeidsevner og relasjonskompetanse
• Strukturert og sjølvstendig
• Fleksibel og løysingsorientert
• Evne til å motivere og skape engasjement hos barn og unge

Vi tilbyr

Bremanger kommune har fleire gode ordningar for deg som ønskjer å busette deg her:

• Hjelp til å finne bustad og barnehageplass
• Gratis barnehage
• Gratis 12 timar SFO i veka for elevar i 1.–3. klasse
• Fritidskortet som sikrar minst eit gratis fritidsstilbod i året for barn og unge mellom 6 og 18 år.
• Rekrutteringstilskot til nytilsette som er/blir folkeregistrert i Bremanger kommune; årleg tilskot på kr. 30 000,- i inntil fem år (totalt kr. 150 000 kroner)
• Bustadtilskot på 200 000 kroner til førstegangsetablerarar under 50 år. 

Les meir om ordningane på https://bremanger.kommune.no/rekrutteringstiltak/    

I tillegg får du:

• Eit godt arbeidsmiljø med humor, samhald og høg fagleg kvalitet
• Gode forsikringsordningar i arbeid og fritid
• Gode pensjons- og låneordningar gjennom KLP, Kommunal Landspensjon.
• Senioravtale for tilsette over 62 år

Du er velkomen som søkjar til eit godt fagleg og spanande arbeidsmiljø ilag med gode kollegear!   

Kontaktinformasjon

Norvall Klungresæter, Driftssjef kultur og fritid, +47 91658547

Arbeidsstad

Granden 4
6723 Svelgen

Nøkkelinformasjon:

Arbeidsgivar: Bremanger kommune

Referansenr.: 5137518150
Stillingsprosent: 100%
Vikar
Startdato: 01.08.2026
Sluttdato: 31.12.2026
Søknadsfrist: 14.06.2026