100% fast stilling som lærar

Svelgen oppvekst har ledig ei 100 % fast lærarstilling og ønskjer ein engasjert, fagleg sterk og relasjonsorientert medarbeidar velkommen til laget vårt.

Svelgen oppvekst er eit oppvekstsenter med barn og ungdomsskule og barnehage. Det er den største driftseininga innan oppvekstsektoren i kommunen. Både barnehagen og skulen er i stadig utvikling medan vi held på den stødige og gode plattforma vi har bygd opp gjennom mange år. Vi har PALS-modellen som som grunnmur i alt arbeidet vi gjer både med læringsmiljø, trivsel, relasjonar, motoivasjon, inkludering og samarbeid med heimane. PALS-modellen består av systematiske, førebyggande tiltak som rettar positiv merksemd mot alle elevane i skulen. Modellen er basert på forskning og kunnskap om tiltak som fremjar eit trygt læringsmiljø der elevane kan utvikle sosial og skulefagleg kompetanse.  Hos oss står arbeidet med trygt og godt skulemiljø som den gjennomgåande raude tråd i alt arbeidet vi gjer. Elevar og tilsette må vere trygge og trivast for å lære, og yte sitt beste.

 

Arbeidsoppgåver

Vi søkjer grunnskulelærar med undervisningskompetanse for 1.-7. trinn, innan fagområda engelsk, norsk og kroppsøving

Søkjarar med anna fagkompetanse kan òg søkje.

Kvalifikasjonar

Ved utveljing vektlegg vi søkjarar som er/har:

• Grunnskulelærarutdanning 1.-7.trinn 
• Undervisningskompetanse i engelsk, norsk og kroppsøving
• Undervisningskompetanse i individuell tilrettelagt opplæring 
• Godkjend pedagogisk utdanning
• Digital kompetanse
• God kommunikasjonsevne med stødig nynorsk rettskriving og godt norsk talemål

Personlege eigenskapar

Vi ser etter deg som:

• høg relasjonell kompetanse med gode samarbeids- og formidlingsevner
• fagleg kompetent, utviklingsorientert og oppdatert på eiga fagfelt
• tydeleg klasseleiar
• positiv, engasjert og høgt motivert
• bidragsytar til eit godt arbeidsmiljø
• god skriftleg og munnleg framstillingsevne

Vi tilbyr

Bremanger kommune har fleire gode ordningar for deg som ønskjer å busette deg her:

• Hjelp til å finne bustad og barnehageplass
• Gratis barnehage
• Gratis 12 timar SFO i veka for elevar i 1.–3. klasse
• Fritidskortet som sikrar minst eit gratis fritidsstilbod i året for barn og unge mellom 6 og 18 år.
• Rekrutteringstilskot til nytilsette som er/blir folkeregistrert i Bremanger kommune; årleg tilskot på kr. 30 000,- i inntil fem år (totalt kr. 150 000 kroner)
• Bustadtilskot på 200 000 kroner til førstegangsetablerarar under 50 år. 
  
  Les meir om ordningane på https://bremanger.kommune.no/rekrutteringstiltak/ 
  
  I tillegg får du:
• Eit godt arbeidsmiljø med humor, samhald og høg fagleg kvalitet
• Gode forsikringsordningar i arbeid og fritid
• Gode pensjons- og låneordningar gjennom SPK, Statens pensjonskasse.
• Moglegheit for vidareutdanning og fagleg utvikling, med mogleg kompensasjon
• Arbeidsgjevar dekker arbeidsklede etter lokal avtale
• Senioravtale for tilsette over 62 år

Du er velkomen som søkjar til eit godt fagleg og spanande arbeidsmiljø ilag med gode kollegear!   

Kontaktinformasjon

Ingrid Leite Loftheim, Driftssjef Svelgen oppvekst, +47 46806321

Arbeidsstad

Gunnar Scheldrups veg 31
6723 Svelgen

Nøkkelinformasjon:

Arbeidsgivar: Bremanger kommune

Referansenr.: 5147608462
Stillingsprosent: 100%
Fast
Søknadsfrist: 06.07.2026