Slagverklærar (vikariat)

Vestre Slidre kulturskule er ein kulturskule med høgt engasjement og stor oppslutnad blant innbyggjarane i bygda. Tett samarbeid med grunnskulen gjer at vi har relativt mykje av undervisinga på dagtid. Vår eminente slagverklærar skal ut i permisjon, og vi søkjer etter ein eller fleire som kan overta oppgåvene hans. Vikariatet er ledig f.o.m.  05.01.26 t.o.m. 15.03.26.

Dette er ein spennande jobb med mange varierte oppgåver. Det er ein ressurs for heile regionen som òg hjelper til i kulturskulane i Nord-Aurdal og Sør-Aurdal. Det er mogleg å dele stillinga mellom fleire som kan ta ulike delar av oppgåvene. Men om nokon har kompetanse og kapasitet til å ta heile stillinga, er det sjølvsagt òg velkoment.

Arbeidsoppgåver

• Slagverkelevar i Slidre: 33,12 %
• Slagverkelevar knytt til band i Slidre: 2,56 %
• Band (2 stk.) med elevar på barneskulen i Slidre: 10,26 %
  
• Slagverkelevar i Sør-Aurdal (Bagn): 10,26 %
• Klassekorps i Nord-Aurdal saman med annan leiar for klassekorps: 21,87 %
• Slagverkelev i Nord-Aurdal: 1,71 %
• Diverse organisering og administrasjon i Slidre: 10%
  

Kvalifikasjonar

Kva kvalifikasjonar som trengs varierer med oppgåvene. Men det er verd å peike på å:

• Kunne spele og undervise på trommesett – gjerne også på melodisk slagverk, men det er ikkje eit krav.
• Kunne tilretteleggje repertoar og rettleie band.
• Ha relevant erfaring

Utdanning er ein fordel, men ikkje eit krav.

Personlege eigenskapar

Dette varierer også med oppgåvene. Men vi treng ein eller nokre som:

• Har evne til å engasjere seg i møte med nye og kjende oppgåver.
• Er ansvarsmedviten og sjølvstendig.
• Tek initiativ og bidreg aktivt i samarbeid med andre.
• Kan planleggje og gjennomføre undervising for enkeltelevar og små grupper.
• Kan planleggje og gjennomføre undervising i større grupper saman med andre.
• Er tydeleg og engasjert som tilretteleggjar og inspirator for læring og utvikling.

Personlege eigenskapar vil bli vektlagt.

Vi tilbyr

• Ein spennande og morosam jobb.
• Godt arbeidsmiljø med dyktige og engasjerte kollegaer.
• Gode pensjons- og forsikringsordningar. 
  

Kontaktinformasjon

Gudbrand Silvet Heiene, Avdelingsleiar kultur, +47 41335496

Arbeidsstad

Slidrevegen 15
2966 Slidre

Nøkkelinformasjon:

Arbeidsgivar: Vestre Slidre kommune

Referansenr.: 5025190195
Stillingsprosent: 89,78%
Vikar
Startdato: 05.01.2026
Sluttdato: 15.03.2026
Søknadsfrist: 30.10.2025