Kommunikasjonsmedarbeider ved Vang frivilligsentral 50-80 % vikariat

Frivilligsentralen har ledig eit vikariat som kommunikasjonsmedarbeidar fom. april 2026 tom. februar 2027. Vår daglege leiar skal inn i ein annan organisasjon i denne perioden, og me søker no ein medarbeider som kan drifte frivilligsentralen saman med vår frivilligkoordinator i 11 mnd.  Du kan sjølv velge stillingstorleik, me tilbyr 50-80 % stilling. 

Vang frivilligsentral er samlokalisert med Vang folkebibliotek på Vangstunet, i sentrum av kommunen. Frivilligsentralen har ope 3x4 t pr veke, med ansvar for å bistå publikum i lokala. Frivilligsentralen driftar BUA Vang, som held til i eit eige lokale i sentrum. BUA har ope 2x1 t pr veke.  

Frivilligsentralen skal stimulere til frivillig innsats, skape opne møteplassar for befolkninga, og vere eit bindeledd mellom kommunen og frivillig sektor. Vår visjon: Saman skapar vi eit godt og inkluderande lokalsamfunn. 

Ansvar og mynde: 
Vang kommune har personalansvar for dei tilsette i frivilligsentralen. Sentralen er organisert under etat for utdanning og kultur, og kommunalsjef er næraste overordna. 

Arbeidsoppgåver

• Drifte BUA Vang 
• Planlegge, marknadsføre og gjennomføre arrangement og møteplassar i samarbeid med Vang folkebibliotek, frivillige lag og andre 
• Generell marknadsføring av frivilligsentralen sine aktivitetar (som TV-aksjon, julegåvedugnad, digi-hjelp, seniortreff, språkkafear osv)  
• Sørge for at foreningsportalen er oppdatert og synleggjort på ulike plattformar 
• Bistå frivillige lag med marknadsføring og rådgiving 
• Delta i arbeidsgruppa Levande lokalsamfunn som jobbar med reforma Bu trygt heime (med ansvar for marknadsføring og kommunikasjon) 
• Delta i Bulystteamet, som koordinerer bulystarbeid i Vang i samarbeid med næringsliv, organisasjonsliv og eldsjeler (med ansvar for marknadsføring og kommunikasjon) 
• Delta i kommunen sitt kommunikasjonsteam, med ansvar for publisering av info frå frivillig sektor på kommunen sine infoskjermar og øvrige plattformar 
• Bistå i den generelle drifta av frivilligsentralen 
  

Kvalifikasjonar

• Høgare relevant utdanning innan t.d. administrasjon / leiing /organisasjonsfag / kultur / kommunikasjon / folkehelse er ynskjeleg. Relevant arbeidserfaring kan erstatte høgare utdanning. 
• Kulturkompetanse og kjennskap til frivillig sektor er ein fordel
• Gode IKT-kunnskapar
• Har god formidlingsevne munnleg og skriftleg, og gode norskkunnskapar

Personlege eigenskapar

• Me ser etter deg som: 
  

• Er strukturert og har evne til å planleggje og prioritere 
• Er sjølvstendig og har gjennomføringsevne 
• Har evne til å samarbeide og kommunisere godt med frivillige, kommunen, organisasjonar og andre aktør
• Har evne til å møte ulike grupper og enkeltpersonar med respekt og engasjement 

Personlege eigenskapar og eignaheit for stillinga vil verte vektlagt. 

Vang kommune nyttar nynorsk som målform

Vi tilbyr

• Eit inkluderande arbeidsmiljø med kompetente tilsette
• Ein variert jobb med spennande utfordringar
• Høve til å påverke innhald og oppgåver i stillinga
• Løn etter tariff og arbeidsvilkår etter gjeldande lov – og avtaleverk
• Gode pensjons- og forsikringsordningar
• Hjelp til å skaffe bustad ved behov

Kontaktinformasjon

Marta Bjørnøy Lalim, Kommunalsjef Utdanning og kultur, 977 56 665, marta.bjornoy.lalim@vang.kommune.no

Arbeidssted

Tyinvegen 5150
2975 Vang i Valdres

Nøkkelinformasjon:

Arbeidsgiver: Vang Kommune

Referansenr.: 5068837993
Stillingsprosent: 80%
Vikar
Startdato: 01.04.2026
Sluttdato: 28.02.2027
Søknadsfrist: 15.02.2026