Avdelingsleiar for Restaurant- og matfag og Helse- og oppvekstfag

Førde vidaregåande skule har om lag 1000 elevar og 220 tilsette, og er den største vidaregåande skulen i Vestland Nord. Vi har fokus på profesjonsutvikling og skuleutvikling. Skulen har topp moderne spesialrom, i tillegg til ny idrettshall og eit levande bibliotek, og har som mål å levere opplæring av høg kvalitet.

Skulen er geografisk tredelt, med skuledrift i Høyanger, på Mo og i Førde sentrum. Vi tilbyr utdanningsprogramma Bygg og anleggsteknikk, Elektro og datateknologi, Helse- og oppvekstfag, Kunst, design og arkitektur, Media og kommunikasjon, Naturbruk, Restaurant- og matfag, Sal, service og reiseliv, Studiespesialisering, Teknologi og industrifag. I tillegg har vi ansvar for undervisning ved sjukehuset, vaksenopplæring og ulike kurs.

Det er ledig vikariat som avdelingsleiar Restaurant- og matfag og Helse- og oppvekstfag frå 1. august 2026. Stillinga er bygd opp med 70% leiing og 30% undervisning.

Stillinga inngår som del av leiargruppa ved Førde vidaregåande skule. Det er utvikla ei leiarplattform for leiarrolla ved skulen som blir tilsendt søkjarar som vert kalla inn til intervju. Plattforma er forpliktande for leiarane ved skulen og vil, i tillegg til formelle krav, vere det sentrale grunnlaget for tilsettinga.

Arbeidsoppgåver

- Personalansvar for dei tilsette i avdelinga.

- Leiaransvar for elevane i avdelinga gjennom oppfølging av trivsel, læringsmiljø og faglege resultat.

- Leiaransvar for kvalitet og utvikling av det faglege og pedagogiske innhaldet ved avdelinga i tråd med skulen sitt fokus på profesjonsutvikling og skuleutvikling.

- Leiaransvar for oppfølginga av den økonomiske drifta av avdelinga innanfor tildelt budsjett.

- Tildelte sektoroppgåver.

Kvalifikasjonar

- Fagutdanning som gjev undervisningskompetanse innanfor programfag på eit, eller begge, dei aktuelle utdanningsprogramma.

- Pedagogisk utdanning.

- Undervisningserfaring, gjerne frå vidareågande skule.

- Relevant leiarerfaring, gjerne frå vidaregåande skule.

- Gode IKT- ferdigheiter.

Personlege eigenskapar

- Du kjenner deg igjen i verdiane våre som er open, kompetent og modig.

- Personlege eigenskapar som evne til samarbeid, samskaping og dialog vil bli vektlagt

- God skriftleg og munnleg framstillingsevne

Vi tilbyr

- løn og lønsutvikling i tråd med Vestland fylkeskommune sin lønspolitikk

- gode offentlege forsikrings- og pensjonsordningar

- gode moglegheiter for utvikling og læring i eit samskapande arbeidsmiljø

Tilsetting skjer på grunnlag av lov- og avtaleverk og føreset godkjent politiattest.Stillinga har seks månader prøvetid. Administrasjonsmålet i Vestland fylkeskommune er nynorsk.

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste, vil du alltid bli varsla før søkjarlista vert offentleggjort.

Kontaktinformasjon

Mats Bryne, rektor, +47 90951737

Arbeidsstad

Naustdalsvegen 12
6800 Førde

Nøkkelinformasjon:

Arbeidsgivar: Vestland fylkeskommune

Referansenr.: 5104572447
Stillingsprosent: 100%
Vikar
Startdato: 01.08.2026
Sluttdato: 31.07.2027
Søknadsfrist: 27.04.2026