Politibetjent 3/2/1 - Førebyggjarar søkjast

Om stillinga

Førebygging er politiet sin hovudstrategi og ligg til grunn for all oppgåveløysing. No treng vi førebyggjarar i Ålesund politistasjonsdistrikt! Vi søkjer deg som er samfunnsorientert, har gode kommunikasjonsevner og har lyst til å bidra i vidareutviklinga av det førebyggjande arbeidet i Møre og Romsdal politidistrikt.

Som førebyggjar vil du inngå i avsnitt for etterretning og førebygging, som består av tilsette med fleire ulike roller: politikontakt, etterretning, operativ førebygging, førebyggjande risikoanalytikarar og U18-etterforskar. Det er for tida ledig fast stilling som operativ førebyggjar, men det kan også bli ledig fleire typar stillingar.

Avsnittet tilhøyrer seksjon for etterforsking, etterretning og førebygging i geografisk driftseining Sunnmøre, med oppmøtestad i Ålesund. Vi har eit positivt og inkluderande fagmiljø med fokus på kvalitet i arbeidet som blir utført. Samarbeid, læring og utvikling står sterkt i miljøet og dette skal førast vidare og forsterkast.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Er du motivert for å utgjere ein forskjell, og villig til å strekkje deg langt for å oppnå dei måla vi set i det kriminalitetsførebyggjande arbeidet? Er du også samfunns- og utviklingsorientert, har gode kommunikasjonsevner, likar å jobbe sjølvstendig men også saman med andre og utadretta i tverretatlege team? Då kan dette vere rette stillinga for deg!

Oppgåvesettet i alle våre stillingar er breie og varierte og passar for deg som handterer høgt arbeidspress, forventningar og ansvar, og som evner å omstille deg i ein hektisk arbeidskvardag. Det vil bli lagt stor vekt på at ein er personleg eigna og har relevant erfaring.

Arbeidsoppgåver

• operativ- og kunnskapsbasert førebygging med vekt på oppsøkjande og relasjonsbyggjande arbeid
• gjennomføre prioriterte kriminalitetsførebyggjande tiltak, til dømes oppfølging av personar i faresona, bekymringssamtalar og alternative straffereaksjonar 
• svare ut aktuelle informasjonsbehov i politidistriktet
• foredrag og informasjonsverksemd, internt og eksternt
• samarbeide med lokal etterretning, etterforsking, politikontakter, andre førebyggjande funksjonar, vakt og beredskap, og andre einingar vedrørande personar, miljø, trendar og kriminalitetsutvikling
• mediehandtering og bidrag til politiet sin nettpatrulje
• førebyggjande arbeid opp mot offentlege verksemder
• bidra til å vidareutvikle driftseininga si tilnærming til det førebyggjande arbeidet
• turnusteneste hovudsakleg dag, kveld og helg (krev minimum IP4 godkjenning)
• førebyggjande risikoanalyse
• etterforsking
• andre oppgåver må påreknast 

Kvalifikasjonar

Nødvendig:

• fullført og bestått Politi(høg)skolen ved tiltreding
• god munnleg og skriftleg formidlings- og kommunikasjonsevne
• operativ godkjenning i minimum kategori 4 eller at ein kan få slik godkjenning. For eventuell ledig stilling som risikoanalytikar eller U-18-etterforskar er ikkje dette eit må-krav, men det er mogelegheit til å inngå i førebyggjande turnus (krev minimum IP4-godkjenning)
• politiattest (uttømmande og utvida) må innhentast ved eventuell tilsetting, jamfør politiloven § 18 og politiregisterloven § 41. Ved søknad på stillinga må du pårekne at det blir henta inn opplysningar frå enkelte av politiet sine register til bruk i vandels- og skikkaheitsvurderinga

Ønskjeleg:

• erfaring/vidareutdanning innan kriminalitetsførebygging er ein fordel
• erfaring/vidareutdanning innan etterretning er ein fordel
• god kunnskap om kunnskapsbasert og kriminalitetsførebyggjande arbeid og metodikkar
• erfaring med førebyggjande risikoanalyse
• erfaring innan etterforsking
• gode ferdigheiter i bruk av relevante datasystem i politiet

Personlege eigenskapar

• sosial kompetanse 
• heilskapsorientert med gode samarbeidsevner både internt og eksternt
• motivasjon for førebyggjande oppgåver og etterretning 
• utviklings- og løysingsorientert med høg gjennomføringsevne
• du er strukturert, men kan utvise stor grad av fleksibilitet når situasjonen krev det 

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• ein utfordrande og meiningsfull arbeidsplass for deg som ønskjer å førebyggje kriminalitet
• fast stilling som politibetjent 3/2/1 (SKO 1461/1459/1457) i Møre og Romsdal politidistrikt, avhengig av erfaring og kompetanse, jf. Kompetansekriteriene for politibetjenter.
  • politibetjent 3 - brutto årslønn frå kr. 590 000 - kr. 705 000 
  • politibetjent 2 - brutto årslønn frå kr. 535 000 - kr. 610 000 
  • politibetjent 1 - brutto årslønn frå kr. 510 000 - kr. 585 000 
• for særskilt kvalifiserte kan noko høgare lønnsplassering bli vurdert
• ved endring av tjenesteområde vert det gitt lønnsplassering etter gjeldande lønnsnivå for området
• godtgjersle etter gjeldande ATB på for tida kr. 44 708, og tillegg for eventuell turnusteneste
• medlemsskap i Statens pensjonskasse. Les meir om tilsettingsgode på spk.no/medlemskap-i-spk-. Det blir trekt to prosent frå lønna til innskot i Statens pensjonskasse.
• mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.