Rådgjevar/seniorrådgjevar – landbruk og plan

Om stillinga

Har du interesse for landbruks- og arealpolitikk? Og har lyst å leve og bu i Vestland? Vi har ledig fast stilling ved kontoret vårt i Førde.

Statsforvaltaren skal følgje opp den nasjonale arealpolitikken etter plan- og bygningslova. For landbruket og bygdene er det særleg viktig å ta vare på produksjonsareala i jord- og skogbruk, samtidig som det vert lagt til rette for busetnad, næring og levande bygder. Areal- og plansaker vert samordna med andre fagavdelingar, særleg miljøavdelinga, og koordinert av kommunalavdelinga. 

Statsforvaltaren har til saman seks fagavdelingar med ei brei oppgåveportefølje. Landbruksavdelinga vert leia frå Førde og har 32 tilsette, hovudsakleg i Førde og Bergen. Dei fleste i avdelinga har naturvitskapleg fagkompetanse og erfaring, men vi har også tilsette med kompetanse innan økonomi, samfunnsvitskap og rettsvitskap. 

Varierte arbeidsoppgåver med utgangspunkt i

• vår rolle i plansaker etter plan- og bygningslova og nasjonal arealpolitikk
• nasjonal landbrukspolitikk med landbruk og levande bygder
• intern samordning av statlege politikk
• dialog med kommunane om relevante arealtema
• regelverket for offentleg forvaltning

Kvalifikasjonar

• Master med relevant fagkrets innan til dømes planlegging, samfunnsfag, eller landbruk
• Bachelor med relevant praksis kan erstatte master
• Kjennskap til og interesse for utfordringar i bygdene 
• Kjennskap til offentleg forvaltning
• God språkleg kompetanse i både nynorsk og bokmål
• Førarkort klasse B

Personlege eigenskapar

• Gode samarbeidsevner med kollegaer og eksterne aktørar.
• Evne til å arbeide sjølvstendig, målretta og effektivt.
• Fleksibilitet med tanke på andre relevante oppgåver. 

Som tilsett hos Statsforvaltaren får du

• interessante arbeidsoppgåver
• eit kompetent og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• delvis heimekontor 
• fleksibel arbeidstid
• løn i samsvar med vår lokale lønspolitikk

Vil du jobbe hos oss? | Statsforvaltaren i Vestland

Kontora våre i Leikanger og Førde ligg i kommunar som er omfatta av den nye ordninga for sletting av studiegjeld. Det vil seie at etter eitt år som yrkesaktiv kan du få sletta 25 000 kroner av studielånet ditt.

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid. 

Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. 

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå HK-dir. 

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga. 

Stillinga er lønna i stillingskode 1434 rådgjevar/1364 seniorrådgjevar, frå kr 610 000–770 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn. 

Dei første seks månadane er prøvetid. Du kan lese meir om det i statens personalhandbok.

Tenestemålet til embetet er nynorsk.

Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.