Prost i Søre Sunnmøre prosti

Stillinga som prost i Søre Sunnmøre prosti er ledig.

Vi ønskjer oss ein prost med gode leiareigenskapar både kyrkjefagleg og som arbeidsgjevar – og som har klare tankar og visjonar for arbeidet i prostiet. Vi forventar gode evner til samarbeid med ulike aktørar og nivå i kyrkje og overfor offentlege mynde. Prosten skal motivere medarbeidarane sine og kyrkjelydane til å arbeide i samsvar med kyrkja sine mål og strategiar. Eigenskapar som strategisk og heilskapleg tenking, evne til problemløysing og vilje til samarbeid på tvers av leiarnivå og arbeidsgjevarlinjer er derfor viktige eigenskapar. Det er ønskjeleg med oppstart i stillinga i januar 2027.

Møre bispedøme har 5 prosti. Søre Sunnmøre prosti har 20 sokn med totalt 22 kyrkjer. Kommunikasjonsmessig kan ein nå alle kyrkjene med ei køyretid på 1 ½ - 2 timar, inkludert ferjer. Det er 7 fellesrådsområde i prostiet og for tida 15 prestestillingar, derav studentprest knytt til Høgskulen i Volda.  Nynorsk er tenestemål i Møre bispedøme, og liturgi-mål for heile Søre Sunnmøre prosti, og søkjar må opplyse om ein beherskar begge målformer.

Prostane i Møre bispedøme har jamnlege prostemøte og tilgang på rettleiing og leiarutvikling. Det er forventa at prosten utviklar seg som leiar ved å delta på kurs og kompetansehevande tiltak.

Presten vil ha kontorstad ved kyrkjekontoret i Volda. Det er knytta 40% sekretærstilling til prostestillinga. Til prostestillinga ligg det 20% presteteneste, og prosten utfører si teneste i samråd med biskopen.

Aktuelle søkjarar kan sende søknad med CV, vitnemål og referanser til Webcruiter. Søkjar må kunne legge fram barneomsorgsattest (politiattest), jf Lov om Tros- og Livssynssamfunn §20.

Søkjarar frå andre EØS-land må legge fram attest for autorisasjon til presteteneste i Den norske kyrkja gjeve av Kyrkjerådet. Det er krav om medlemskap i Den norske Kyrkja og krav om å beherske norsk språk, jf Forskrift om tilsetting av menighetsprest §6.

Møre bispedøme skal vere ein arbeidsplass med rom og respekt for mangfald – uavhengig av etnisitet, alder, kjønnsidentitet, funksjonsevne eller legning. Alle kvalifiserte kandidatar vert oppmoda om å søkje.

Dei som ikkje ønskjer namnet med på den offentlege søkjarlista, må grunngje dette i søknaden. Grunnane vil bli vurderte individuelt, og søkjar vil bli kontakt før offentleg-gjering, dersom administrasjonen ikkje finn grunnlaget tilstrekkeleg for fritak.

Arbeidsoppgåver

Prosten leier prestetenesta i prostiet i tråd med Tenesteordning for prostar i Den norske kyrkje, og bistår biskopen i si embetsgjerning.

Stillinga inngår i biskopen si leiargruppe, og skal bidra til strategisk og åndeleg leiing. Prosten er forplikta på dei mål og strategiar som er fastsette for rettssubjektet Den norske kyrkja og for Møre bispedøme. Prosten deltek på prostemøte og i rettleiing (ABV) for prostane. Prosten er med i beredskapsordninga for prestane.

God personellhandsaming og tydeleg leiing og administrasjon er sentralt i stillinga. Prosten leier prestetenesta i prostiet og legg til rette for god utnytting av dei økonomiske og menneskelege ressursane. Prosten skal sjå til at prestane i prostiet forvaltar Ord og sakrament slik at kristen tru og kristent liv vert fremma i kyrkjelydane etter gjeldande ordning. Prosten skal utøve kyrkjefagleg leiarskap for fleire og ulike arbeidslag og legge til rette for kompetanseheving både for prestetenesta og for medarbeidarar i fellesrådslinja.

Prosten skal i samarbeid med kyrkjeverje og fellesrådsleiarane vere med på å fremje godt arbeidsmiljø, samarbeid og åndeleg fellesskap. Prosten bistår tilsette og kyrkjelege organ med fagleg rettleiing, råd og støtte, og skal sørgje for nødvendig samordning mellom prestetenesta og dei kyrkjelege råda si verksemd. Besøk til sokneråd og staber står sentralt. 

Kvalifikasjonar

Søkjar må fylle vilkåra for tilsetting etter "Forskrift om kvalifikasjonskrav for tilsetting som prest i Den norske kirke" 

Erfaring som kyrkjelydsprest vil bli vektlagt

Leiarkompetanse og leiarerfaring

Søkjar må kunne samarbeide også liturgisk med kollegaer uavhengig av kjønn eller teologisk ståstad.

For å bli tilsett må ein ha førerkort klasse B og kunne disponere eigen bil i arbeidet

Personlege eigenskapar

Vi søkjer ein fleksibel, tydeleg og open leiar med gode evner til å skape kontakt og som er glad i menneske. Du må kunne sjå, lytte og oppmuntre medarbeidarane og bidra til gode samarbeidsforhold, trivsel og engasjement.

Vi ser etter dokumenterte leiareigenskapar, god arbeidskapasitet, gode samarbeidsevner og tydeleg kommunikasjon. Du må kunne arbeide strategisk og strukturert - både sjølvstendig og i team – og ha evna til heilskapleg refleksjon om den kyrkjelege verksemda.

Vi tilbyr

Løn etter hovudtariffavtalen for Den norske kyrkja, lønskode 0933 prost.

Pensjonsordning gjennom KLP, bedriftshelseteneste og gode vilkår for kompetanseutvikling, arbeidsrettleiing (ABV) og andre former for rettleiing.

Godtgjersle og tilskot etter dei vilkår som gjeld til ei kvar tid. Den som vert tilsett må rette seg etter endringar i lover, tariffavtalar, særavtalar, reglement og andre avgjerder som kan verke inn på gjeremål i tenesta.

Kontaktinformasjon

Anne-Marit Hagelund, Avdelingsleiar personal, +47 92235009
Bjørn Olaf Storhaug, Stiftsdirektør, 92810040

Arbeidssted

Rådhusgata 6A
6100 Volda

Nøkkelinformasjon:

Arbeidsgiver: Den norske kirke

Referansenr.: 5075363725
Stillingsprosent: 100%
Fast
Søknadsfrist: 07.04.2026