st. nr. 4/2026 - Førsteamanuensis/ førstelektor/ høgskulelektor i RLE

Om stillinga

Ved Høgskulen i Volda (HVO) er det ledig ei fast 100% stilling som førsteamanuensis, førstelektor eller høgskulelektor i Religion, livssyn og etikk ved Institutt for religion og livssyn, Avdeling for humanistiske fag og lærarutdanning, frå 1. august 2026.

Instituttet er ansvarleg for religions- og livssynsundervisning i grunnskulelærarutdanning, barnehagelærarutdanning og praktisk pedagogisk utdanning. Instituttet har lokal- og nettundervisning i RLE på bachelornivå i tillegg til ExPhil/ExFac. Instituttet har også medansvar for masterstudium i kulturmøte i lag med Historisk institutt ved Avdeling for samfunnsfag og historie. Tilsette ved instituttet er i tillegg involverte i doktorgradsutdanningane ved høgskulen. 

Denne stillinga vert særleg knytt til undervisning i barnehage- og grunnskulelærarutdanningane.

Institutt for religion og livssyn er eit aktivt forskingsmiljø samla i forskingsgruppa Religion og livssyn. Som tilsett vert du invitert til deltaking i denne og eventuelt i andre forskingsgrupper ved HVO.

Kvalifikasjonar

Du må kvalifisere for stilling som førsteamanuensis, førstelektor eller høgskulelektor ifølge krava i forskrift til Universitets- og høyskoleloven 

For førsteamanuensis:

• Doktorgrad og/eller anna vitskaplege arbeid må ha relevans for religions- og livssynsfag
• Utdanningsfagleg kompetanse i tråd med Forskrift til universitets- og høyskoleloven og HVO sine eigne retningslinjer for førsteamanuensis, ev. innfri dette to år etter tilsetjing, sjå meir informasjon her: https://www.hivolda.no/sites/default/files/documents/mal-pedagogisk-basiskompetanse-ved-hvo-forsteamanuensis.pdf

For førstelektor:

Forsking- og utviklingsarbeid må ha relevans for religions- og livssynsfag

For høgskulelektor:

• Mastergrad/hovudfag eller tilsvarande må ha relevans for religions- og livssynsfag
• Relevante forskingskvalifikasjonar ut over master eller hovudfagsnivå og/eller relevant yrkespraksis 

For førstelektor og høgskulelektor: 

Dersom du ikkje kan dokumentere tilstrekkeleg utdanningsfagleg kompetanse, må du gjennomføre eit godkjent kurs i universitets-/høgskulepedagogikk innan to år etter tilsetjing. 

For alle stillingskategoriar:

God skriftleg og munnleg formidlingsevne på norsk eller eit anna skandinavisk språk

Arbeidsfelt

• Undervisning og rettleiing med vekt på barnehagelærarutdanning og grunnskulelærarutdanning
• Undervisning og rettleiing i andre emne etter gjeldande emneplanar for instituttet sine lokal- og nettstudium 
• Forsking- og utviklingsarbeid med særleg relevans for religions- og livssynsfag
• Administrative oppgåver
• Deltaking i andre aktivitetar ved instituttet og høgskulen

Vi tilbyr

HVO tilbyr varierte arbeidsoppgåver i ei stor, spanande og samfunnsviktig verksemd. 

Avdelinga har eit inkluderande og godt fagleg arbeidsfellesskap, der det er høve til fagleg og personleg utvikling. 

Høgskulen i Volda har gode vilkår for forsking, og det finst fleire aktive forskargrupper på ulike fagfelt. 

Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodane ved Høgskulen i Volda: høgskulelektor stillingskode 1008 kr. 650 000 -784 185, førstelektor stillingskode 1198 kr. 770 310-862 285, førsteamanuensis 1011 kr. 720 000 – 863 615.

Dagleg arbeidsplass er ved Høgskulen i Volda.

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Følgjande dokument/filer skal leggjast ved den elektroniske søknaden:

• Vitnemål og attestar, samla i ei fil
• CV
• Doktorgradsavhandling
• Masteroppgåve
• Andre vitskaplege arbeid

Dei faglege kvalifikasjonane til søkjarane vert vurderte av eit sakkunnig utval.

Kontakt

Nærare opplysningar om stillingane får ein ved å kontakte instituttleiar Ralph Meier tlf.: 70 07 51 44 (e-post: ralph.meier@hivolda.no)

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

Video: https://www.youtube.com/watch?v=wSlL1WkuUXc