Lærdalsøyri barnehage er på utkikk etter deg som ønsker å jobbe i barnehage

I Lærdalsøyri barnehage jobbar me for å gjere Lærdal kommune til ein god stad å bu. Me ser etter deg som likar born, er god på relasjonsbygging, samarbeid og utvikling. Du må like å vere i bevegelse, bruke heile deg og bidra til eit lærande miljø for borna.

Som fagarbeidar eller assistent tek du del i det daglege arbeidet på avdelinga. Du må trivast med foreldresamarbeid, og du må ha oversikt og sjå kvar du trengst på avdelinga.

Du må like å gå på tur, vere ute i all slags ver året rundt og ikkje minst bruke omgjevnadane inn i det pedagogiske arbeidet med borna. Å undre seg saman med borna, og kunne ta deira perspektiv er viktige eigenskapar me ser etter.

Gjennom «Tett på barn og unge i Lærdal» satsar Lærdal kommune på «Betre tverrfagleg innsats». Les meir her Tett på barn og unge i Lærdal 

Me deltek for tida i eit REKOMP utviklingsarbeid med fokus på næringsrik og berekraftig mat i barnehagen. Utviklingsarbeid er ein viktig del av vårt pedagogiske arbeid, og for å lukkast med dette må alle tilsette bidra aktivt.

• Utdanning som barne- og ungdomsarbeidar, men andre kan og søkje
• Det er ei føremon med erfaring frå barnehage
• God på relasjonar og samarbeider godt med dei rundt deg
• Gode skriftlege og munnlege kommunikasjonsevner
• Ansvarsfull, sjølvstendig og likar ein travel og hektisk arbeidskvardag

Personlege eigenskapar vil bli vektlagt.

• Planlegging og gjennomføring av pedagogiske aktivitetar på avdelinga
• Tett samarbeid med pedagogisk leiar og det øvre personalet
• Som barne- og ungdomsarbeidar kan du forvente å måtte vere stadfortredar for pedagogisk leiar eller barnehagelærar
• Andre arbeidsoppgåver må påreknast