Me søkjer engasjerte barnehagelærarar til barnehagane

I barnehagane våre i Årdal kommune arbeida me kvar einaste dag for at barna skal møtast med tryggleik, meistring og ekte glede. No ynskjer me oss fleire engasjerte barnehagelærarar som vil vere med og skape gode barndomsminne – i kvardagar fulle av leik, omsorg og utvikling. Me har ledig fleire faste stillingar som barnehagelærar i dei ulike barnehagane våre.

Som barnehagelærar hjå oss får du ein variert og meiningsfull arbeidsdag der barna står i sentrum. Du får vere tett på kvardagen deira og bidra aktivt til trivsel, leik og læring, både ute og inne. Arbeidet inneber pedagogisk planlegging og gjennomføring av aktivitetar, samtidig som du samarbeider tett med kollegaer om å organisere kvardagen på ein trygg og god måte. Du blir ein viktig vaksenperson i barna sine liv – ein som ser dei, lyttar og møter dei med varme og tydelegheit. I barnehagane våre legg me stor vekt på fagleg refleksjon, samarbeid og kontinuerleg utvikling, og me ynskjer at alle tilsette skal kjenne seg trygge og verdsette i rolla si.

Arbeidet som barnehagelærar i Årdal kommune inneber også å vere ein viktig ressurs i det tidlege innsatsarbeidet rundt barna. Du vil samarbeide med føresette, kollegaer og andre faginstansar for å skape inkluderande fellesskap der alle barn får delta og kjenne seg høyrde. For stillinga er det krav om barnehagelærarutdanning, eller annan treårig pedagogisk utdanning på høgskulenivå med vidareutdanning i barnehagepedagogikk. Det er viktig at du har gode norskkunnskapar og kan leggje fram godkjent politiattest.

Me ynskjer oss tilsette som bidreg til eit trygt og inkluderande arbeidsmiljø, og som er gode på relasjonsbygging – både med barn, kollegaer og føresette. Du er ein omsorgsfull rollemodell som likar å ta ansvar, samarbeide og utvikle deg fagleg. Me legg stor vekt på personlege eigenskapar i rekrutteringa.

Hjå oss får du ein trygg og meiningsfull jobb med forutsigbare rammer og eit godt fagmiljø med høg kompetanse. Årdal kommune tilbyr gode pensjons- og forsikringsordningar, løn etter utdanning og praksis i tråd med hovudtariffavtalen, og tilgang til bedriftshytte på Skeikampen. Me er opptekne av at våre tilsette skal trivast!

Ta gjerne kontakt med oss for ein uforplikta prat – me fortel gjerne meir om barnehagane våre og kvardagen hjå oss.

Me ser fram til å høyre frå deg og bli betre kjent med deg som kanskje blir vår nye kollega.

Søknadane vil bli vurdert fortløpande.