Rettleiar Nav Ørsta-Volda

Vi har ledig ei fast stilling som rettleiar hjå Nav Ørsta-Volda, og ser etter deg som ønskjer å bidra til at fleire skal få moglegheit til å bli inkludert i arbeidslivet. Vi søkjer deg som er ein robust lagspelar, vert motivert av å hjelpe andre, evnar å stå i utfordringar over tid, og som har god forståing av Nav sitt samfunnsoppdrag, visjon og verdiar. Ved interne endringar kan det verte aktuelt å tilsette i fleire stillingar.

Arbeidet inneber aktiv dialog med arbeidsgivarar, arbeidsmarknadsbedrifter, helsepersonell, samt andre relevante aktørar. Du må være god til å byggje relasjonar, skape tillit og handtere krevjande situasjonar. Samtidig må du sjå moglegheiter, ha kunnskap om arbeidsmarknaden og utdanningssystemet, og trivast med høgt tempo og varierte oppgåver.

Nav Ørsta-Volda har 35 tilsette som yter tenester til dei om lag 22 000 innbyggjarane i kommunane Ørsta og Volda. Vi jobbar tverrfagleg og godt, og samarbeider tett både internt og eksternt. Hos oss er arbeidstempoet høgt, og som rettleiar hos oss må du jobbe strukturert for å lukkast. Som rettleiar hjå oss blir du ein del av eit engasjert fagmiljø, som jobbar aktivt for å utvikle stadig betre tenester for innbyggjarar og arbeidsgivarar i våre to kommunar.

Arbeidsoppgåver

• Heilskapleg og koordinert oppfølging og rettleiing av personar i ulike livssituasjonar.
  
• Kartlegge ressursar, kompetanse og moglegheiter saman med brukar.
  
• Arbeidsretta brukaroppfølging - med fokus på arbeid, meistring og inkludering i arbeidslivet.
• Rettleiing og oppfølging av brukarar etter Lov om sosiale tenester.
  
• Økonomisk råd og rettleiing.
  
• Tett dialog med øvrige rettleiarar, samarbeidspartar, tiltaksarrangør og arbeidsgivarar.
  
• Forvalte og sakshandsame etter sosialtenestelova, forvaltningslova, Nav-lova, folketrygdelova og anna aktuelt lovverk.
  
• Arbeidsoppgåver knytt til vårt publikumsmottak og rettleie i Nav sine sjølvbetjeningsløysingar
  
• Bidra til at vi utviklar stadig betre brukartenester og at kontoret når sine verksemdsmål.
  
• Oppfølging av eigen portefølje i Nav sine fagsystem og dataverktøy.

Arbeidsoppgåvene kan endrast ut frå behovet i kontoret

Justeringar og endringar innan for arbeidsgjevar sin styringsrett kan skje i samsvar med det som er kommunen sine behov til ei kvar tid.

Kvalifikasjonar

• 3-årig høgare utdanning, gjerne innan sosialfag, samfunnsfag eller HR og personal. Relevant erfaring kan kompensere for utdanningskravet
  
• Erfaring frå arbeid med menneske i ulike livssituasjonar
  
• Erfaring med rettleiing og relasjonsbygging

Fordel med kompetanse innan: 

Juridisk metode og forvaltning

Fordel med erfaring innan: 

• Sakshandsaming
• Oppsøkande kontakt med innbyggjarar og arbeidsgivarar.
  
• Arbeidsretta brukaroppfølging i Nav
  
• Tverrfagleg samarbeid, nettverksbygging og arbeidsinkludering

Personlege eigenskapar

Vi ynskjer at du: 

• har trua på at alle menneske, trass fysiske og psykiske helseutfordringar, kan få og behalde ein ordinær jobb
  
• møter mennesker i sårbare livssituasjoner med respekt, empati og profesjonalitet uavhengig av kultur og nasjonalitet
  
• er målretta, strukturert og har stor arbeidskapasitet
  
• er proaktiv, fleksibel og evnar å handtere uforutsette hendingar og arbeidsoppgåver i ein hektisk kvardag
  
• har evne til å motivere og skape gode relasjonar og tillit hjå innbyggjarar, kollega og samarbeidspartar
  
• har evne til å sjå moglegheiter og finne gode løysingar
  
• tek ansvar, er ein god lagspelar og bidreg positivt inn i arbeidsmiljøet.

Vi gjer ei heilskapleg vurdering av søkjarane og personlege eigenskapar vert tillagt stor vekt. 
Referansar vert nytta og aktuelle søkjarar kan verte kalla inn til intervju.

Vi tilbyr

• Eit kompetanserikt og engasjert fagmiljø
• Utfordrande og meiningsfylte arbeidsoppgåver innanfor eit viktig samfunnsområde
• Stort handlingsrom og ansvar for å planleggje eigen arbeidskvardag
  
• Gode utviklingsmoglegheiter for fagleg og personleg utvikling
  
• Spanande møter med jobbsøkjarar og arbeidsgivarar i regionen
  
• Fleksibel arbeidstid innanfor våre retningslinjer
  
• Gode forsikrings og pensjonsvilkår:
  Ørsta kommune har gode forsikringsordningar i KLP for sine tilsette, som også inkl. frivillig ulukkesforsikring  på fritida. 
  Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.
  Som medlem i KLP får du i tillegg tilgong til ekstra gode vilkår på bank, forsikring og sparing.

 

Stillinga er plassert i HTA kap. 4.gr.2- Stillingar med krav om min. 3 årig høgskuleutdanning
Stillingskode 7178 sosialkurator

Tilsetting elles i samsvar med gjeldande lov- og regelverk.

Prøvetid
Prøvetid i faste stillingar er 6 mnd. I lengre vikariat er det høvesvis. Fråvær går til fråtrekk. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning for sine tilsette i KLP.

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf AML §14.

Dokumentasjon 
Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.

Om offentleglova
Når du søker jobb hos oss, vil namnet ditt stå på ei offentleg søkarliste, i samsvar med offentleglova §25. Ønsker du å at namnet ditt skal vere unnateke frå den offentlege søkarlista, må du grunngje dette i søknadsskjemaet. Dersom kommunen meiner at det ikkje er grunnlag for fritak, vil du få beskjed og få tilbod om å trekkje søknaden før endeleg søkjarliste vert laga.

Kontaktinformasjon

Marte Jelle, Leiar Nav Ørsta Volda, 476 52 735, marte.jelle@nav.no
Jorunn Anita Lofnes Meek, Avdelingsleiar, 901 85 980, jorunn.anita.lofnes.meek@nav.no
Janne Helen Ringstad, Avdelingsleiar, 404 92 064, janne.helen.ringstad@nav.no

Arbeidsstad

Ivar Aasen-gata 10
6150 Ørsta

Nøkkelinformasjon:

Arbeidsgivar: Ørsta kommune

Referansenr.: 5061784472
Stillingsprosent: 100%
Fast
Søknadsfrist: 01.02.2026