Prosjektleiar- Samhandling for overgang frå utanforskap til arbeid

Vil du vere med og utvikle betre samhandling mellom Nav, kommunane og opplæringsløp for å få fleire ut i arbeid og utdanning? Vi søkjer ein strukturert og målretta prosjektleiar som kan drive fram eit viktig utviklingsarbeid i kommunane Ørsta og Volda.

Prosjektstillinga skal bidra til betre samhandling og koordinering på tvers av Nav, kommunane og fylkeskommunen. Målet er å redusere utanforskap ved å rekruttere primært unge til arbeid i den kommunale helse og omsorgstenesta, og legge til rette for kompetanseutvikling for deltakarane i programmet. På sikt er målet å bidra til auka bemanning og ei meir berekraftig teneste

Arbeidsoppgåver

Som prosjektleiar får du eit overordna ansvar for å utvikle, koordinere og følgje opp eit felles deltakarforløp. Du skal sikre framdrift, struktur og kvalitet – både på systemnivå og i oppfølging av den enkelte deltakar

Stillinga er i første omgong eit toårig engasjement, men det kan verte høve til lenging dersom føresetnadane for det ligg føre.

Prosjektleiar skal:

• vere bindeledd mellom Nav, kommunar og opplæring
• koordinere og sikre gode deltakarforløp
• sikre framdrift, struktur og kvalitet i arbeidet
• koordinere samarbeid på systemnivå
• følgje opp progresjon i individuelle deltakarforløp
• identifisere flaskehalsar og bidra til kontinuerleg forbetring
• dokumentere effektar og resultat av arbeidet

Kvalifikasjonar

• Vi søkjer deg som:
• har relevant høgare utdanning (helse, sosialfag, HR, organisasjon el.l.)
• erfaring frå prosjektleiing eller utviklingsarbeid er ein fordel
• har kjennskap til helse- og omsorgstenestene
  

Personlege eigenskapar

Vi ynskjer at du: 

• er relasjonssterk og samlande og har gode samarbeids- og koordineringsevner
• er gjennomføringskraftig
• er analytisk og løysingsorientert
• er tydeleg og arbeider strukturert og målretta

 

Vi gjer ei heilskapleg vurdering av søkjarane og personlege eigenskapar vert sterkt vektlagde. Referansar vert nytta og aktuelle søkjarar kan verte kalla inn til intervju.

Vi tilbyr

• ei sentral rolle i utvikling av framtidas arbeidskraft
• høve til å påverke samhandling på tvers av sektorar
• spanande og meiningsfull prosjektstilling
• eit tverrfagleg og utviklingsorientert miljø
  
• utfordrande og varierte arbeidsoppgåver 

Gode forsikrings og pensjonsvilkår:
Ørsta kommune har gode forsikringsordningar i KLP for sine tilsette, som også inkl. frivillig ulukkesforsikring  på fritida. 
Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.
Som medlem i KLP får du i tillegg tilgong til ekstra gode vilkår på bank, forsikring og sparing.

 

Arbeidsvilkår: 

Tiltreding snarast.

Ørsta kommune vil vere arbeidsgjevar, med kontorplassering Ørsta rådhus, men stillinga er ein interkommunal ressurs og skal ha virkeområde i begge kommunane. 

Stillinga er plassert i HTA kap. 4.

Tilsetting elles i samsvar med gjeldande lov- og regelverk.

Prøvetid
Prøvetid i faste stillingar er 6 mnd. I lengre vikariat er det høvesvis. Fråvær går til fråtrekk. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement. Kommunen har pensjons- og forsikringsordning for sine tilsette i KLP.

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf AML §14.

Dokumentasjon 
Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.

Om offentleglova
Når du søker jobb hos oss, vil namnet ditt stå på ei offentleg søkarliste, i samsvar med offentleglova §25. Ønsker du å at namnet ditt skal vere unnateke frå den offentlege søkarlista, må du grunngje dette i søknadsskjemaet. Dersom kommunen meiner at det ikkje er grunnlag for fritak, vil du få beskjed og få tilbod om å trekkje søknaden før endeleg søkjarliste vert laga.

Kontaktinformasjon

Ingunn Gjengedal, kommunalsjef Helse omsorg og velferd Ørsta, 92436245, ingunn.gjengedal@orsta.kommune.no
Svein Berg-Rusten, kommunalsjef Helse og omsorg Volda, 91868329, svein.berg-rusten@volda.kommune.no

Arbeidsstad

Dalevegen 6
6153 Ørsta

Nøkkelinformasjon:

Arbeidsgivar: Ørsta kommune

Referansenr.: 5139713078
Stillingsprosent: 100%
Engasjement
Sluttdato: 30.06.2028
Søknadsfrist: 19.06.2026