100% stilling i helse og omsorg frå hausten 2026

Tenestekontoret er kontaktpunkt for dei som har spørsmål om kommunale helse- og omsorgstenester, bustadtildeling og koordinerande eining i Vindafjord kommune. Me gir informasjon og rettleiing, tek imot søknadar og behandlar desse etter gjeldande retningslinjer og aktuelt lovverk. Me vurderer rett tenestenivå, tilbyr tenester til dei som treng det og skriv enkeltvedtak. Me legg vekt på gode pasientforløp og ønskjer å gi den einskilde eit heilskapleg og verdig tenestetilbod. Kartleggingsbesøk, samtalar og dialog med søkjarar, pårørande og tenesteytarar er ein naturleg del av arbeidskvardagen til våre to erfarne saksbehandlarar. 

Våre tilsette har sin arbeidsstad på rådhuset i Ølen mellom 08-15.30, med moglegheit for fleksibel arbeidstid. Det må påreknast noko meir ansvar når det er færre på jobb. Leiar tek medansvar i den daglege drifta ved behov. 

Du vil bidra til riktig fordeling av helse- og omsorgstenester i Vindafjord kommune. Som saksbehandlar på tenestekontoret vil ditt arbeid og dine vurderingar påverke både einskildmennesket og kommunen sin ressursbruk. Din kompetanse og erfaring, dine verdiar og dine haldningar vil bety noko. Du må skape god dialog med eit stort mangfald av innbyggarar, ulike fagmiljø og tenester. Du må trivast med kontorarbeid og telefonsamtalar, samt fysiske møter. Du må kunne jobbe sjølvstendig og målretta. Du blir del av eit kontor som er prega av både internt og eksternt samarbeid, der ein må justere og utvikle seg i takt med andre. Du bidreg med gode refleksjonar og foreslår gjerne løysingar. Du blir del av eit triveleg arbeidsmiljø der du er med og påverkar arbeidskvardagen vår positivt med ditt nærvær. 

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Støtte og opplæring for å hjelpa deg å komma godt i gong i den nye rolla di.
• Moglegheiter for opplæring og utdanning i samsvar med vår kompetanseplan.
• Moglegheit for å bli med i bedriftskunstlaget eller sangkoret (KORe’ Vindafjord).
• Gratis parkering.
• Frisk treningssenter i Ølen tilbyr bedriftsrabatt. 
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.

• Saksbehandling
• Variert og tilpassa kommunikasjon i møte med ulike målgrupper.
• Tverrfaglege vurderingar i samarbeid med andre.

• 3-årig sosial- eller helsefagleg høgskule-/universitetsutdanning.
• Relevant arbeidserfaring frå kommunehelsetenesta, eventuelt spesialisthelsetenesta.
• Gyldig førarkort for personbil.
• Du må beherska godt norsk, både skriftleg og munnleg. Skriftspråket i kommunen er på nynorsk.
• Du må ha gode digitale ferdigheiter og evne til å ta i bruk nye system.

• tydeleg, strukturert og ansvarsbevisst.
• audmjuk, lyttande og relasjonsbyggjande.
• vennleg, imøtekommande og profesjonell.
• bevisst eigen kommunikasjon og rolle i møte med andre.

Personlege eigenskapar vil bli vektlagt.

Ved arbeid i barnehage, skule, barnevern, helse og omsorg, skal det leggast fram godkjent politiattest. Ved arbeid i barnehage, skule eller helse og omsorg skal det leggast fram godkjend dokumentasjon på tuberkulinkontroll før oppstart i jobb dersom du har budd eller opphalde deg i land med høg tuberkuloseførekomst i meir enn tre månadar. Personell i helse og omsorg legga fram helseopplysningsskjema i høve til MRSA.

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Aktuelle kandidatar blir kalla inn til intervju torsdag 18.juni.