Fagkoordinator/miljøterapeut vikariat

2. gangs utlysing Vil du gjere ein forskjell, held du hovudet kaldt, hjartet varmt og humøret oppe? 

Ønskjer du deg ein jobb der du både kan støtte og motivere brukarane våre, og få lov til å arbeide med system, struktur og fag? Er du den vi leitar etter?

Stillinga som fagkoordinator høyrer for tida til seksjon lunde – ein av tre seksjonar i avdelinga, og ein plass der det både er rom for alvor, engasjement og ein god latter i kvardagen. Ein dag i veka er avsett til fagkoordinatorrolla. Då får du ta på deg “fag-hatten” og vere med på å halde oversikt, skape struktur og sikre kvalitet i det faglege arbeidet. Du samarbeider tett med leiar og kollegaer, bidreg til utvikling, etablerer rutinar og prosedyrar – og rettleier kollegaer når kvardagen krev ei ekstra fagleg hand på rattet. 

Avdelinga vår yt tenester til menneske med utviklingshemming og andre funksjonsnedsettingar som har behov for bistand i eigen heim. Du vil jobbe i todelt turnus, med 35,5 timars arbeidsveke og arbeid fire helgar på tolv veker. Vi nyttar årsturnus, med både ordinære og muligheit for lange vakter – noko som betyr at du får fleksible friperiodar.

Høyrest dette ut som noko for deg? Send inn ein søknad. Kanskje er det nettopp du som blir vår neste fagkoordinator og miljøterapeut

Arbeidsoppgåver

• fagleg rådgjeving og tilgjengeleg ressurs for andre tilsette
• koordinere arbeidsgrupper, rutiner og opplæring på arbeidsplassen
• sakshandsaming
• samarbeide med seksjonsleiar og ta ansvar i seksjonsleiar sitt fråvær
• kan verte pålagd å fungere som primærkontakt i periodar der ein ikkje har anna personale til å fylle rolla 
• arbeid med elektronisk arbeidsplanverktøy, ajourhald og medverke i turnusarbeidet
• ansvar for å utarbeide og evaluere vedtak etter kapittel 9 i Helse - og omsorgstenestelova, saman med leiar og primærkontakter
• legemiddelhandtering
• bistand til daglege gjeremål og fritidsaktivitetar
• målretta miljøterapautisk arbeid
• journalføring

Kvalifikasjonar

• autorisert vernepleiar eller sjukepleiar, andre søkarar med helse- og sosialfagleg bakgrunn kan bli vurdert
• relevant erfaring innan liknande arbeid
• kunnskap og erfaring i sakshandsaming
• har kunnskap om ulike IKT verktøy og velferdsteknologi, og kan bruke dette som arbeidsverktøy, t.d Gerica og Visma Flyt Ressursstyring.
• kjennskap og erfaring til Helse og omsorgstenestelova kapittel 9
• førarkort klasse B

Godkjent politiattest må leggjast fram før tilsetjing.

Vi ber om at du lastar opp vitnemål og attestar i Webcruiter saman med søknaden.

Personlege eigenskapar

• gode samarbeids- og relasjonseigenskapar, og evne til å skape entusiasme og motivere kollegaer
• vere med å skape visjonar, mål og sette struktur for tenesta
• gode kommunikasjonsevner, både munnleg og skriftleg
• ha evne til å vere fleksibel, påliteleg, vise initiativ og ha gjennomføringsevne
• må kunne handtere og stå i komplekse utfordringar innan eit breitt og krevjande ansvarsområde
• sette pris på å arbeide med, og i lag med mennesker

Vi legg vekt på at søkjaren er eigna for stillinga.

Vi tilbyr

• utfordrande, varierte, interessante arbeidsoppgåver og gode kollegaer
• deltaking i bu og habilitering si faggruppe, saman med andre fagkoordinatorar og leiing
• fagleg godt miljø med yrkesgruppe som vernepleiar, sosionom, barnevernspedagog og fagarbeidar
• løn etter gjeldande tariffavtale
• gode forsikrings- og pensjonsordningar gjennom KLP
• IA-bedrift
• stipendordningar ved vidareutdanningar som er i tråd med kompetanseplanen i helse og omsorg
• elektroniske kurs gjennom Norsk Helseinformatikk (NHI) og Visma Veilederen
  

Herøy kommune er i kommunegruppe 5, noko som vil seie at dersom du bur og arbeider i kommunen kan du frå 1. januar 2025 årleg få sletta studielånet med 25 000 kroner når året er gått. Dette gjeld også dersom du flyttar til kommunen etter denne datoen. 

Vi tilset på dei vilkåra som går fram av gjeldande tariffavtale, lover og reglement. Søkjarlista kan verte offentleggjort. Aktuelle kandidatar vil verte kalla inn til intervju.

Kontaktinformasjon

Hildegunn Svastuen, Seksjonsleiar, +47 90684321

Arbeidsstad

Kvithaugsmyra 4
6092 FOSNAVÅG

Nøkkelinformasjon:

Arbeidsgivar: Herøy kommune

Referansenr.: 5118314955
Stillingsprosent: 100%
Vikar
Søknadsfrist: 26.05.2026