Stipendiat ved Institutt for global helse og samfunnsmedisin

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Stipendiat

Ved Det medisinske fakultet, Institutt for global helse og samfunnsmedisin, er det ledig ei stilling som stipendiat (100 %). Stillinga er ledig for ein periode på fire (4) år med 25 % karrierefremmande arbeid, eller til maksimalt 4 månader etter fullført doktorgrad dersom graden er fullført før fire år. Karrierefremmande arbeid kan til dømes vere undervisning, eksamensarbeid eller rettleiing, alt etter behovet ved instituttet.

Stillinga er knytt til prosjektet: Bergen Center for Ethics and Priority Setting (BCEPS), finansiert av Universitetet i Bergen. Vi søkjer ein motivert kandidat som vil vere del av eit tverrfagleg forskingsmiljø med partnarar frå departement og universitet i Asia, Afrika, Europa og Nord-Amerika. 

Om prosjektet/arbeidsoppgåver:

• Å utvikle rammeverk og metodar for kvantitativ analyse av rettferd og fordelingsomsyn i FairChoices: DCP Analytics Tool (www.fairchoices.org), og integrere desse med eksisterande informasjon om kostnadseffektivitet for fleire helsetiltak.
• Å ta i bruk sosiale velferdsfunksjonar på uni- og bi/multivariate mål på helseulikskap, kombinert med eksisterande mål på kostnader og effektar i FairChoices: DCP Analytics Tool.
• Å lage grundig dokumentasjon av rammeverk og metodar for likskap-justerte kostnadseffektivitetsstudium i FairChoices: DCP Analytics Tool.
• Basert på dette arbeidet skal det publiserast 3–4 artiklar i fagfellevurderte internasjonale tidsskrift og ein doktoravhandling.

 Kvalifikasjonar og eigenskapar:

• Søkjar må ha fullført mastergrad eller tilsvarande i medisin, helsefag, folkehelse, helseøkonomi, filosofi eller liknande fagfelt
• Søkjar må kunne gjere populasjonsmodellering i programmeringsspråket R
• Erfaring med etiske rammeverk og normativ teori blir rekna som ein fordel
• Erfaring frå relevante forskingsprosjekt vil telje positivt
• Dokumentert erfaring med global og fleirnasjonal demografisk modellering og sjukdomsbyrdemodellering vil bli rekna som ein fordel
• Dokumentert erfaring med bruk eller utvikling av globale verktøy for helseøkonomiske evalueringar vil bli rekna som ein fordel
• Den som vert tilsett må kunne arbeide sjølvstendig og strukturert, og ha gode samarbeidsevner  
• Evne og motivasjon til å gjennomføre eit doktorgradsprosjekt  
• God skriftleg og munnleg engelsk, sjå dokumentasjonskrav
• Personlege eigenskapar blir vektlagd ved vurderinga.
• Søkjarar med utanlandsk utdanning må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved Direktoratet for høyere utdanning og kompetanse (HK-dir) si generelle vurdering om utdanninga (bachelor og master) samsvarar med norsk mastergrad. Sjå https://hkdir.no for meir informasjon om vurdering av høgare utdanning. Vi gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stipendiat stillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Merk at den automatiske godkjenningsordninga til HK-dir ikkje er tilstrekkeleg. Søkjarar med nordisk utdanning, eller medisinutdanning frå EØS-området som har fått lisens til å arbeide som lege i Norge er unntatt kravet om HK-dir vurdering, sjå  Opptakskrav | Det medisinske fakultet | UiB
• Sjå også krav om dokumentasjon av engelsk-kunnskapar: http://www.uib.no/med/115525/krav-til-engelskkunnskaper-ved-opptak-til-phd-programmet

For stillinga gjeldt følgande:

Forskarutdanning (ph.d.-programmet):

Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjent opplegg for ein doktorgrad innafor ei tidsramme på 3 år, utan andre pålagte arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.

 

Stipendiatstilling:

Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk.

Vi tilbyr:

• Spanande og utviklande arbeidsoppgåver i eit sterkt fagmiljø
• Løn for tida kr 570 000 (kode 1017) i lønsregulativet til staten. For søkjarar med minst eitt års tilsetjing i lege- eller tannlegestilling er løn for tida kr 585 000 (For søkjarar som er autorisert som lege eller tannlege, må dokumentasjon på norsk autorisasjon leggjast ved søknaden). For søkjarar med spesialistutdanning er løna for tida kr 605 000 (For søkjarar som har spesialistutdanning, må det leggjast ved spesialistgodkjenning frå Helsedirektoratet.)
• Medlemsskap i Statens pensjonskasse 
• Gode velferdsordningar

Søknaden skal innehalde:

• Ei kort utgreiing om søkjaren sine forskingsinteresser og motivasjon for å søkje stillinga
• Alle søkjarar MÅ leggje ved ei fil med ei kort skildring av korleis FairChoices kan utviklast for betre å ta omsyn til fordelingsomsyn i prioritering av helsetenester. Skildringa må vere på under 500 ord og skal leggast ved som ei PDF-fil med namnet ‘description.pdf’.
• Karakterutskrifter og vitnemål (all høgare utdanning) og relevante attestar
• Søkjarar med utanlandsk utdanning (bachelor og master) må leggje ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved HK-dir si generelle vurdering om utdanninga samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Har du ikkje fått svar innan søknadsfristen, kan du leggje ved dokumentasjon frå HK-dir om at dei har mottatt søknaden din 
• Dokumentasjon på engelsk-kunnskapar
• Ei fullstendig liste over publikasjonar og eventuelle andre faglege arbeid du vil det skal takast omsyn til
• Eventuelle publikasjonar (pdf)
• To referansar (namn og kontaktinformasjon)

Generell informasjon:

Nærare opplysingar om stillinga kan ein få ved å kontakte Sindre Horn e-post: sindre.horn@uib.no tlf: 97191828

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.       

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5