Miljøarbeidar

Er du engasjert i barns oppvekst og vil vere med å sørge for eit variert og godt innhald i klasserommet og skulefritidsordninga? Då vil me gjerne ha deg med på laget!

Meling skule i Bømlo kommune har ledig 80% fast stilling som miljøarbeidar på i SFO og i undervisningstid frå 01.08.26. Behovet gjeld på SFO før og etter skuletid kvar dag frå kl. 13:00-16:00 og en del i undervisningstida.  

Me søkjer deg som vil delta i eit felleskap der me saman jobbar for at elevane skal oppleve respekt, tillit og tydelege forventningar i eit trygt og motiverande miljø. 
Meling skule har 200 flotte elevar i eit inkluderande læringsmiljø saman med 36 tilsette. Meling skule er ein 1. - 7. skule og ligg fint plassert i bygda Meling. Delar av skulen er oppussa, med ny SFO base og stort uteområde med lett tilgang til turløype. Skuleåret 2026/2027 blir det 75-80 elevar på SFO. 

Arbeidsoppgåver

• Oppfølging av elevar med og utan særskilte behov i klasserommet, undervisning og på SFO.
• Oppgåver knytt til praktisk tilrettelegging og gjennomføring av ulike prosjekt.
• Planlegging og gjennomføring av aktivitetar ute og inne for einskild elevar og elevar i gruppe.
• Arbeid på SFO, før og etter skuletid.
• Utføring og oppfølging av lovkrav, av einskilde vedtak for elevar og beskriving av arbeidsoppgåve i Rammeplan for SFO.
  

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Fagbrev som barne- og ungdomsarbeidar eller anna relevant fagutdanning.
• Gode kommunikasjonsevnar i norsk, både munnleg og skriftleg.
• Det er ein fordel med erfaring i bruk av IKT som arbeidsverktøy.

Personlege eigenskapar

Me søkjer deg som:

• Er ein lagspelar med god relasjonskompetanse og godt humør.
• Tek ansvar og kan jobbe sjølvstendig.
• Er ein tydeleg og god rollemodell for elevane.
• Er fleksibel, løysingsorientert og tolmodig.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Vi tilbyr

• Varierte og spennande arbeidsoppgåver i ein flott kommune
• Faglege og personlege utfordringar i eit godt og inspirerande arbeidsmiljø
• Gode offentlege pensjons- og forsikringsordningar
• Løn og arbeidsvilkår i samsvar med gjeldande lov og avtaleverk
• Som tilsett får du tilbod om medlemskap i velferdsklubb som gjev tilsettegoder.

Andre opplysingar
Det vert stilt krav om politiattest ved tilsetjing etter Opplæringsloven § 17-11, jf. politiregisterloven § 39 første ledd.

• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn. 
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25

Synest du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar som stadfestar tidlegare arbeidsforhold. Ved førespurnad må du kunna skaffa bekrefta kopiar av dokumentasjonen din.

Dersom du har spørsmål om stillinga og rekrutteringsprosessen, ta kontakt med rektor ved Meling skule, Katrine Hausberg.

Kontaktinformasjon

Katrine Hausberg, Rektor, 958 35 391

Arbeidsstad

Melingsheio 20
5430 Bremnes

Nøkkelinformasjon:

Arbeidsgivar: Bømlo kommune

Referansenr.: 5133210327
Stillingsprosent: 80%
Fast
Søknadsfrist: 04.06.2026