ID 2460 Miljøarbeider ved Hamna kontakt- og meistringssenter - Tenester til heimebuande

Er du ein engasjert og kreativ person som ønskjer å arbeide med menneske som har eller har hatt utfordringar innan psykisk helse? Likar du å skape aktivitet, bygge relasjoner og bidra til meistring i kvardagen? Då vil me gjerne ha deg med på laget på Hamna!

Hamna kontakt- og meistringssenter er ein del av Tenester til heimebuande i Stord kommune. Hamna er ein sosial og aktiv møteplass der brukarane får moglegheit til å delta i meiningsfulle aktivitetar, utvikle ferdigheiter og bygge relasjonar til andre.

Det er ledig fast 100 % miljøarbeiderstilling med arbeid på dagtid

Arbeidsoppgåver

• Planleggje og gjennomføre kreative og sosiale aktivitetar saman med brukarane

• Bidra til å skape ein trygg og inkluderande møteplass

• Bygge gode relasjonar og skape tillit til brukarane

• Støtte den enkelte i å oppleve meistring i kvardagen

• Vere fleksibel i møte med ulike behov og bidra der det trengst

• Samarbeide med kollegaer og andre tenester

• Delta i utvikling av tilbodet ved Hamna

Kvalifikasjonar

• Relevant erfaring frå arbeid med menneske

• Erfaring innan psykisk helse er ønskjeleg, men ikkje eit krav

• Gode norskkunnskapar, munnleg og skriftleg

Det er ikkje krav om høgskuleutdanning -- personlege eigenskapar og motivasjon vert vektlagt.

Me ser etter deg som

• Har gode evner til å bygge relasjonar og skape tillit

• Er kreativ og likar å setje i gang aktivitetar

• Er fleksibel og trivst med ein variert arbeidskvardag

• Har evne til å møte menneske med respekt, openheit og engasjement

• Tek initiativ og bidreg positivt i arbeidsmiljøet

• Er løysingsorientert og tilpassar deg ulike situasjonar

Me tilbyr

• Eit inkluderande og fagleg engasjert arbeidsmiljø

• Ein variert og meiningsfull arbeidskvardag

• Moglegheit til å påverke og utvikle aktivitetstilbodet

• God opplæring og oppfølging

• Lønn etter gjeldande avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.