Vil du jobba med landbruksforvaltning og bygdenæring?

Me søkjer no etter bygdeutviklar med hovudarbeidsfelt innan landbruk.

Stillinga er plassert under kommunalområdet samfunn, kultur og næring, der hovuddelen av arbeidsoppgåvene er knytte til landbruksforvaltninga. Landbruksforvaltninga er organisert som eit interkommunalt samarbeid mellom kommunane Årdal, Lærdal og Aurland.

Me ser etter deg som ønskjer å arbeide med landbruksforvaltning og natur- og landbruksbasert næringsutvikling. Du bør vere fleksibel og initiativrik, kunne arbeide sjølvstendig og ha gode evner og vilje til samarbeid og kommunikasjon, både med kollegaer og publikum.

Ønskjelege kvalifikasjonar

• Relevant høgare utdanning tilsvarande bachelorgrad (180 studiepoeng). Relevant erfaring kan kompensere for manglande formell utdanning.
• God digital kompetanse
• Gode skriftlege og munnlege kommunikasjonsevner
• Praksis og erfaring med offentleg forvaltning er ein føremon

Personlege eigenskapar vil bli vektlagde.

Arbeidsoppgåver

Arbeidsoppgåver som er tillagde stillinga omfattar mellom anna:

• Forvaltning av ulike landbruksrelaterte tilskotsordningar
• Forvalting av lover og regelverk innan landbruksforvaltning og offentleg forvaltning
• Sakshandsaming av politiske saker
• Rådgjeving og informasjonsarbeid knytt til arbeidsoppgåvene i stillinga
• Oppgåver knytte til natur- og landbruksbasert næringsutvikling
• Pådrivar for satsing og utvikling av lokal mat og drikke
• Besøksforvaltning
• Andre arbeidsoppgåver må påreknast

Me tilbyr

• Ein variert arbeidskvardag
• Fleksitidsordning etter avtale
• Konkurransedyktige lønsvilkår
• Gode pensjons- og forsikringsordningar
• Engasjerte kollegaer i eit variert fagmiljø

Om Lærdal kommune

Det kan nemnast at Lærdal kommune mellom anna har:

• Full barnehagedekning
• Gratis fulltids-SFO for 1. og 2. klasse, samt gratis deltids-SFO for 3. klasse
• Gratis kommunale bustadtomter rett ved Borgund sentrum
• Eit variert kommunalt kulturprogram, i tillegg til alt anna som skjer i bygda