Vil du vera med og skapa minneverdige feriedagar for barn?

Er du kreativ, engasjert og glad i å jobbe med barn? Har du lyst på ein meiningsfull jobb på dagtid i skuleferiane, kanskje ved sidan av studium eller anna deltidsjobb?

Bjørnafjorden kommune søkjer no etter fagarbeidarar/assistentar til eit fast team for ferieopen SFO. Her får du vera med og skapa aktive, trygge og innhaldsrike feriedagar for barn. Sammen med kollegaer som brenn for leik, kreativitet og gode opplevingar.

Ferieopen SFO
I ferieopen SFO jobbar vi mykje med tema og prosjekt, og dagane er fulle av aktivitet og fantasi. Barna får mellom anna vera med på tema som:
???? Sydentur og sommarstemning
???? Sirkus og kreativ utfalding
???? Forsking, eksperiment og undring
???? Spel, turneringar og leik
???? Frisørsalong og rolleleik

Her er det rom for å ta i bruk eigne interesser, idear og kreativitet, for å bidra til at barna får trygge, kjekke og minnerike feriar.

Kven passar stillinga for?
Stillinga passar godt for:
- deg som allereie jobbar i skule/SFO og ønskjer å auka stillingsprosentent
- deg som er utdanna barne-og ungdomsarbeidar
- studentar innan barnehage, skule, pedagogikk, idrett eller liknande
- andre med relevant erfaring og interesse for arbeid med barn

Arbeidstid og omfang
Dette er ei fast stilling på 11 %, knytt til ferieopen SFO i følgjande periodar:
- Haustferie
- Vinterferie
- 5 dagar etter skuleslutt
- 10 dagar før skulestart

Arbeidstida følgjer opningstida på ferieopen SFO dei aktuelle dagane.

Tilsette med stillingsprosent opp til 89 % kan ha moglegheit til å auka til 100 %, medan andre får ei fast stilling på 11 %.
Aktuelle søkjarar må vera tilgjengelege i heile perioden for å sikre stabil bemanning.

Fusa:
- Tal ledige stillingar: 2
- Arbeidsstad: Eikelandsosen barneskule

Os:
- Tal ledige stillingar: 10
- Arbeidsstad: Lunde barneskule

Arbeidsstad kan bli endra dersom kommunen gjer endringar i ordninga for ferieopen SFO.

Kvalifikasjonar
- Fagbrev i barne- og ungdomsarbeidarfaget
- Relevant utdanning og/eller erfaring kan kompensera for kravet om fagbrev
- Erfaring frå arbeid med barn er ein fordel

Personlege eigenskapar
Vi ser etter deg som:
- er positiv, engasjert og trygg i vaksenrolla
- har gode samarbeidsevner, men også kan jobba sjølvstendig
- er tydeleg og god på kommunikasjon
- er kreativ, strukturert og løysingsorientert