ID 2452 Einingsleiar - Førebyggjande tenester

Vil du vera med og utvikla framtidas førebyggjande tenester for barn og unge i Stord kommune?

Ei av dei viktigaste oppgåvene som står føre oss i kommunane er å skapa tenester som skapar gode oppvekstmiljø som gjer at barn og unge meistrar kvardagen sin. I førebyggjande tenester arbeider me saman med barnehagar, skular, barneverntenesta og tenester i spesialisthelsetenesta for å gi barn og unge moglegheiter til å utvikla seg på ein sunn og god måte med sine føresetnader.

Det er ledig fast 100% stilling som einingsleiar.

Me søker ein engasjert og tydeleg leiar som vil vera med å styrka det tverrfaglege arbeidet for barn, unge og familiar. Stillinga har ansvar for eit breitt fagområde med viktige førebyggjande og helsefremjande tenester.

Om stillinga

Som einingsleiar får du ansvar for leiing, utvikling og samordning av følgjande avdelingar:

• Pedagogisk-psykologisk teneste (PPT) og spesialpedagogisk team i barnehagane

• Førebyggjande helse

• Ungdomsteam

• FACT Ung Sunnhordland

• Sævarhagen avlastning og oppfølging for barn og unge

I tillegg vil du ha ansvar for utvikling av modellen Betre Tverrfagleg Innsats (BTI) og utarbeida planar for eininga si verksemd på ulike område. Du vil få ei sentral rolle i utvikling av heilskaplege og koordinerte tenester i oppvekstsektoren, med fokus på tidleg innsats, tverrfagleg samarbeid og brukarmedverknad.

Stillinga inngår i kommunen si einingsleiargruppe innan oppvekst og kultur, og du rapporterer til kommunalsjef for oppvekst og kultur.

Arbeidsoppgåver

• Fagleg, administrativ og økonomisk leiing og drift av eininga

• Vidareutvikla gode og samordna tenester for barn, unge og familiar etter betre BTI-modellen

• Legga til rette og medverka til godt tverrfagleg samarbeid internt og eksternt

• Medverka til eit konstruktivt samarbeid med tillitsvalde og verneombod

• Sikra kvalitet, utvikling og innovasjon i tenestene

• Personalansvar og medarbeidaroppfølging

• Bidra til strategisk utviklingsarbeid og implementering av nasjonale føringar

• Samarbeid med tilsette i skular, barnehagar, barnevernteneste, spesialisthelseteneste og andre aktuelle samarbeidspartnarar

Kvalifikasjonar

• Relevant høgare utdanning innan helse eller sosialfagleg område

• Leiarerfaring frå helse, sosialfagleg eller anna relevant område

• Erfaring frå eitt eller fleire av fagområda i eininga

• God forståing for offentleg forvalting, lovverk og tverrfagleg samarbeid

• Gode nynorskkunnskapar, både skriftleg og munnleg

Me ser etter deg som:

• er ein trygg og tydeleg leiar

• har gode samarbeidsevner og relasjonskompetanse

• er utviklingsorientert og løysingsfokusert

• kan motivera, skapa tillit og engasjement

• har evne til å arbeida strategisk og strukturert

• har høg arbeidskapasitet

• er oppteken av barn og unge og familiar deira sitt beste

Personlege eigenskapar vil bli vektlagde.

Me tilbyr

• Ei meiningsfull og samfunnsviktig leiarstilling

• Spennande og varierte arbeidsoppgåver

• Dyktige og høgt kompetente medarbeidarar og godt tverrfagleg samarbeid

• Moglegheit til å påverka og utvikla framtidige teneste

• Løn etter avtale

• Gode forsikringsordningar

• Offentleg tenestepensjon

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

For nærare informasjon om stillinga, kontakt: Birthe Blokhus, tlf 92064415, e-post: birthe.blokhus@stord.kommune.no