Sakshandsamar

Har du lyst på ein jobb der du verkeleg kan gjere ein forskjell for barn, ungdom og familiar? I barneverntenesta i Bremanger kommune har vi no ledig ei fast 100% stilling som sakshandsamar, og vi håpar du vil bli ein del av laget vårt.

Hos oss får du ein variert og meiningsfull arbeidskvardag der du møter menneske i ulike livssituasjonar. Du blir del av eit fagmiljø som samarbeider tett, støttar kvarandre og jobbar målretta for å gi barn og familiar tryggleik, utvikling og gode rammer.

Arbeidsoppgåver

• Samarbeide med barn, ungdom og familiar
• Utarbeide og følgje opp planar og tiltak
• Sakshandsaming i tråd med gjeldande lovverk
• Handtere uavklarte situasjonar på ein trygg og profesjonell måte
• Delta i tverrfagleg samarbeid

Kvalifikasjonar

Vi ser etter deg som:

• er utdanna barnevernspedagog, sosionom eller har anna relevant høgskuleutdanning
• har kunnskap og gjerne erfaring med sakshandsaming etter lovverket
• jobbar godt sjølvstendig og er trygg i rolla di
• er fleksibel, samarbeidsvillig og systematisk
• har relevant erfaring frå barnevern (ein fordel)

Du må også:

• beherske norsk godt, både skriftleg og munnleg
• ha førarkort klasse B
• kunne legge fram politiattest av nyare dato

Personlege eigenskapar

Som sakshandsamar i barnevernet møter du menneske i sårbare situasjonar, og difor er det viktig at du er ein person som skapar tryggleik rundt deg. Du møter barn, ungdom og familiar med respekt, varme og eit ope sinn, og du klarer å halde roen også når situasjonane er uoversiktlege eller krevjande. Du er god til å lytte, men også tydeleg når det trengst, og du klarer å balansere omsorg med fagleg vurderingsevne.

Du jobbar strukturert og målretta, og du har evne til å sjå både detaljar og heilskap. Samarbeid er ein stor del av kvardagen, så du trivst med å jobbe tett saman med andre fagpersonar – samtidig som du står støtt i sjølvstendige vurderingar. Du er fleksibel, løysingsorientert og har mot til å ta dei vanskelege samtalane når det er nødvendig.

Vi tilbyr

Bremanger kommune har fleire gode ordningar for deg som ønskjer å busette deg her:

• Hjelp til å finne bustad og barnehageplass
• Gratis barnehage
• Gratis 12 timar SFO i veka for elevar i 1.–3. klasse
• Fritidskortet som sikrar minst eit gratis fritidsstilbod i året for barn og unge mellom 6 og 18 år.
• Rekrutteringstilskot til nytilsette; årleg tilskot på kr. 30 000,- i inntil fem år (totalt kr. 150 000 kroner)
• Bustadtilskot på 200 000 kroner til førstegangsetablerarar under 50 år. 
  
  Les meir om ordningane på https://bremanger.kommune.no/rekrutteringstiltak/ 
  
  

I tillegg får du:

• Eit godt arbeidsmiljø med humor, samhald og høg fagleg kvalitet
• Gode forsikringsordningar i arbeid og fritid
• Gode pensjons- og låneordningar gjennom KLP, Kommunal Landspensjon. 
• Moglegheit for vidareutdanning og fagleg utvikling, med mogleg kompensasjon
• Senioravtale for tilsette over 62 år

Du er velkomen som søkjar til eit godt fagleg og spanande arbeidsmiljø ilag med gode kollegear!    

Kontaktinformasjon

Anita Brevik, Driftssjef Familie og helse, +47 95982939

Arbeidsstad

Granden 4
6723 Svelgen

Nøkkelinformasjon:

Arbeidsgivar: Bremanger kommune

Referansenr.: 5136500244
Stillingsprosent: 100%
Fast
Søknadsfrist: 21.06.2026