Deltidsstilling helg

Bu og habiliteringstenesta i Sande kommune treng deltidstilsette som kan ta vakter i helgane.  Vi søkjer etter deg som er omsorgsfull, pliktoppfyllande, og ønsker ein meiningsfull jobb. Arbeidet er kvar tredje helg. Vi har både langvakter opp til 12,5t og vakter på 7,5t. Du må vere 18 år. Studentar i relevant studieløp vert oppmoda om å søkje! Stillingane frå 13 % til 23,5 %, alt etter kva type vakter du ønskjer - med arbeid kvar tredje helg. 

Bu og habilitering gir hjelp og omsorg til menneske med utviklingshemming og ulike hjelpebehov. Vi har for tida ti bebuarar vi fylgjeropp, i bufellesskap og andre frittliggande bustadar. Tenesta har som mål å gi bebuarane ein meiningsfylt kvardag. Dette inneber utføring av daglege gjeremål og aktivitetar. Vi reiser også på utflukter, som til dømes bading, kino, kafé og ulike kultur- og fritidsarrangement i nærområdet. Vi har også eit dagaktivitetstilbod til bebuarane, som vi jobbar med å vidareutvikle. Eininga består pr. i dag av ca 39 årsverk. Eininga har også ansvar for avlastningstilbodet i kommunen. 

Arbeidsoppgåver

• Utføre oppgåver inn mot brukarar
• Oppfølgjing av brukarar, herunder daglege gjeremål og fritidsaktivitetar
• Samarbeide internt med andre tilsette

Kvalifikasjonar

• Vernepleiarar, helsefagarbeidarar, barne og ungdomsarbeidarar og pleiemedarbeidarar (ufaglært)
• Sjukepleiestudentar,  vernepleiestudentar eller andre i relevante studieløp vert oppmoda til å søkje
• Erfaring og kjennskap til arbeid inn mot brukarar med ulik grad av utviklingshemming er ein fordel
• Du må vere 18 år
• Det er ønskeleg at søkjar har førarkort klasse B
• Tilsetjinga krev tilfredsstillande politiattest

Personlege eigenskapar

• Ansvarsbevisst og sjølvstendig
• Vere fleksibel og omsorgsfull
• Kan jobbe sjølvstendig og i team
• Gode evner til samarbeid og kommunikasjon både med brukar, pårørande og kollegaer
• Jobbe effektivt, strukturert og bidra til eit godt arbeidsmiljø

Vi tilbyr

• Ein spennande og utfordrande arbeidskvardag
• Triveleg arbeidsmiljø
• Tilsetjing i samsvar med gjeldande lover, reglement og tariffavtale
• Studentar i relevant studieløp får tillegg i løn som "studentløn"

Kontaktinformasjon

Sjur Strandbakken, Einingsleiar, +47 99768269

Arbeidsstad

Prestegardsvegen 31
6084 Larsnes

Nøkkelinformasjon:

Arbeidsgivar: Sande kommune

Referansenr.: 5110887994
Stillingsprosent: 23%
Anna
Søknadsfrist: 27.04.2026