Politiførstebetjent med funksjon som UEH teamleiar

Om stillinga

I Vest politidistrikt, for tida ved geografisk driftseining Bergen, Askøy og Øygarden, Bergen sentrum politistasjonsdistrikt er det ledig ei fast stilling som politiførstebetjent (SKO 0285) med funksjon som teamleiar UEH. 

GDE Bergen, Askøy og Øygarden er organisert i fem politistasjonsdistrikt: Bergen sør, Bergen nord, Bergen vest, Askøy og Øygarden, samt Bergen sentrum. 

Bergen sentrum politistasjonsdistrikt består av fem politipatruljeavsnitt, Avsnitt for generell etterforsking og Avsnitt for kriminalitetsførebygging. I tillegg omfattar eininga Seksjon for vald og seksuelle overgrep og Seksjon for innsatsleiing og operativ planlegging.

Stillinga er organisert under Seksjon for UEH, patrulje og operativ koordinering, og er knytt til UEH patruljeavsnitt 1–3. Seksjonen består av totalt sju avsnitt: UEH patruljeavsnitt 1–3, IP4 patruljeavsnitt, Avsnitt for politivakta, Avsnitt for generell etterforsking og Avsnitt for kriminalitetsførebygging.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte personar som ønskjer å arbeide aktivt med kriminalitetsførebygging og -nedkjemping. Vi stiller høge krav til fagleg kompetanse, motivasjon, arbeidsinnsats og etisk integritet.

Vi søkjer medarbeidarar som opptrer profesjonelt i alle situasjonar, og som er gode representantar for politiet gjennom haldningar og handlingar i det daglege arbeidet. Evna til å vere trygg, nærverande og lydhøyr, og til å skape tillit i møte med publikum, er avgjerande.

I vurderinga av kandidatar legg vi også vekt på evna til å bidra til eit inkluderande og respektfullt arbeidsmiljø.

Arbeidsoppgåver

• Koordineringsansvar for mønstring/ utsetjing av mannskapa
• Bidra til samhandling og koordinering av tenesta i henhald til føringar frå avsnittsleiar 
• Leie mannskapa til kunnskapsstyrt politiarbeid 
• Kunne bruka dataverktøyet til politiet under dagleg leiing herunder TTA jfr. ATB, BLog føring i PO 
• Operativ leiing (teamleiar), under dette UEH aksjonsleiing 
• Etterforskingsleiing i første linje, med PPS som arbeidsmetode
• Motivere medarbeidarar til bruk av PPS 
• Bidra til effektiv og tydeleg kommunikasjon med medarbeidarar i eigen og andre einingar 
• Vere med å utvikla ein kultur for openheit gjennom god og aktivt medarbeidarskap 
• Stedfortreder for avsnittsleiar Andre oppgåver pålagt av overordna

Kvalifikasjonar

Dette må du ha for å vere kvalifisert:

• Vitnemål frå Politiskulen/Politihøgskolen 
• IP3-godkjend eller kvalifisert og villig til å bli det 
• Minimum 5 års relevant erfaring 
• Brei erfaring fra politioperativt arbeid og etterforsking 
• Motivert og eigna for å behandla medarbeidarar i politipatruljane 
• Erfaring frå straffesaksarbeid
• Du må ha plettfri vandel og vere skikka for teneste for å kunne bli tilsett i politiet. Uttømmande og utvida politiattest skal hentast inn og leggjast fram før ei eventuell tilsetjing. Ved vurderinga av om du er skikka for teneste i politiet, kan det bli henta inn opplysningar om deg frå registra til politiet.

Det er også ønskjeleg med:

• Brei politifagleg kompetanse blir vektlagd
• Leiarerfaring og/eller leiarutdanning blir vektlagd
• UEH Aksjonsleiar utdanning frå PHS og/ eller lokal UEH aksjonslederutdanning er ønskjeleg

Personlege eigenskapar

• Du har evne til å prioritere, ta tydelege avgjerder og sikre god gjennomføring, også i hektiske og krevjande situasjonar
• Du har gode leiareigenskapar og evnar å motivere og utvikle medarbeidarane dine
• Du kommuniserer tydeleg og samarbeider godt med andre
• Du byggjer tillit og skaper gode, varige relasjonar
• Du er mål- og resultatorientert, og jobbar strukturert og kreativt med problemløysing

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Stillinga vert lønna som politiførstebetjent med funksjon som UEH teamleiar (stillingskode 0285) med årslønn frå kr 720.000,-
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• Gode arbeidsvilkår (turnus, trening i arbeidstida, o.l)

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.