Vegteknolog

Med våre over 6000 tilsette er Vestland fylkeskommune ein av dei største arbeidsstadane i fylket. Vi har ansvaret for 5547 km med fylkesveg, 278 tunnelar, 1988 bruer, 30 ferjesamband.
Vestland fylkeskommune skal sikre ein framtidsretta infrastruktur, med mål om å betra samband internt i regionen og gode kommunikasjonar mot resten av landet.
Vi er ein av landets største byggherrar innan samferdsle, og vi har mange spanande investerings- og vedlikehaldsprosjekt i åra som kjem.

Geo og skredseksjonen er ein del av avdeling vegfag, ei avdeling med fokus på tverrfagleg samarbeid internt i eiga avdeling og i oppdrag for andre avdelingar i organisasjonen. For å styrke vårt vegteknologiske fagmiljø på geo og skredseksjonen, søker vi no etter inntil 2 vegteknologar. Dei vil med sine faglege kvalifikasjonar bli sentrale ressursar når vi skal realisere spanande nye samferdsleprosjekt og utføre viktige drift- og vedlikehaldsoppgåver på våre fylkesvegar.

Ei av stillingane vil bli tillagt funksjonen som fagkoordinator innan dette fagområde. 

Geo og skredseksjonen består i dag av eit kompetent fagmiljø innan vegteknologi, geoteknikk, ingeniørgeologi og skred. Vi er i dag 4 geoteknikarar, 7 ingeniørgeologar, 3 vegteknologar og 1 dak-operatør som er fordelt på våre kontorstadar i Leikanger, Voss og Bergen.

For denne stillinga vil kontorstad vere Bergen, men Leikanger og Voss kan og vere aktuelle kontorstader for kvalifiserte søkarar.

Arbeidsoppgåver

Som vegteknolog på geo og skredseksjonen vil du få ein arbeidsdag som fordeler seg mellom kontor og feltarbeid. Du vil få stort ansvar med utfordrande og interessante arbeidsoppgåver, men til gjengjeld gjev me deg mykje friheit og fleksibilitet i arbeidskvardagen. Me er oppteken av at du har ein fin balanse mellom jobb og fritid. Du vil bli del av eit stort og veletablert fagmiljø innan samferdsle som består av omlag 380 medarbeidarar innan fleire fagområder, og du vil jobbe med vegteknologiske prosjektoppdrag både innan planprosjekt, investering, drift og vedlikehald. Noko reiseaktivitet må påreknast.

Typiske arbeidsoppgåver vil vere:

• Fagleg rådgjeving og prosjektering av vegoverbygning i alle planfasar.
  
• Vurdere materialkvalitet til fjell/lausmasser i linja og bl.a utføre graveprøvar i eksisterande veg.
  
• Gjennomføre forsterkningsplanlegging og bistå med oppfølging/kvalitetskontroll av eige fagområde under bygging og vidare innan drift-og vedlikehold.
  
• Vurdere tilstand på eksisterande veg basert på lokalkunnskap og befaringar.
  
• Ha ei sentral rolle i det pågåande forsterkningsprogrammet - utarbeide forsterkningsplan med forsterkningsmetode basert på undersøkingar, visuelle vurderingar og kjent kunnskap.

Som fagkoordinator vil m.a følgjande oppgåver ligge til rolla:

• Støtte til leiar med å sikre god ressursutnytting innan fagområde.
• Følgje opp framdrift og leveransar i lag med leiar.
• Vere pådrivar for fagleg utvikling og delta i arbeidet med kompetanseutvikling til den enkelte innan fagområde.
• Kontaktperson opp mot aktuelle eksterne fagmiljø.
  
  Hjå oss kan du forvente:
  
  Arbeidsmiljøundersøkingar syner at vi har eit veldig godt arbeidsmiljø med engasjerte og kompetente medarbeidarar som trivst saman på jobb og utfordrar kvarandre fagleg. Vi har eit sterkt fagmiljø som er gode på kunnskapsdeling og inkludering, og det er gode mogelegheiter for både fagleg og personleg utvikling.

Kvalifikasjonar

• Relevant høgare utdanning på bachelor eller masternivå innan vegteknologiske fag frå universitet eller høgskule.
• Relevant erfaring og gode resultat frå arbeidsområdet. Det er ønskjeleg med minst 3-4 års erfaring som vegteknolog , men vi oppfordrar også nyutdanna til å søke.
• God kjennskap til og bruk av digitale verktøy.
• God norsk munnleg og skriftleg framstillingsevne.
• Førarkort kl. B

Personlege eigenskapar

Som medarbeidar på geo og skredseksjonen forventar vi at du har gode samarbeidsevner og kan utføre arbeidsoppgåvene dine på ein sjølvstendig og systematisk måte. Du har stå-på-vilje og er god på å dele kunnskap med kollegaane dine. Vi ønskjer at du er initiativrik og modig, engasjert og resultatorientert, og vil bidra til eit godt arbeidsmiljø.

Vi tilbyr

• Ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• God tilgang til faglege nettverk og fagleg utvikling - mogelegheit for vidareutdanning
• Variert arbeidskvardag og meiningsfulle arbeidsoppgåver.
• Tillitsbasert leiing der du raskt vil få ansvar.
• Fleksibel arbeidstid.
• Attraktive pensjons- og forsikringsordningar.
• Løn etter avtale.
• Heimekontor etter avtale.
• Nye og moderne kontorfasilitetar på alle kontorstader.
  
  Har du spørsmål til stillinga eller ønskjer meir informasjon, er du velkomen til å kontakte seksjonsleiar på geo og skredseksjonen - Stein Olav Njøs - på telefon; 95191855.

Kontaktinformasjon

Stein Olav Njøs, leiar, 95191855

Arbeidsstad

Agnes Mowinckels gate 5
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5116428178
Stillingsprosent: 100%
Fast
Søknadsfrist: 24.05.2026