Sjukepleiar - er du vår nye kollega?

Vil du jobbe på avgiftningsposten der du får kome tett på pasienten?

På avgiftningsposten - avdeling for rus og avhengighet (ARA) - møter du vaksne pasientar som har korte innleggingar med medisinsk og medikamentell oppfølging, i tillegg til miljøterapeutiske og sosiale tiltak. Vi har lokaler i Haugesund og  er ein del av klinikk for psykisk helsevern og rus.

Vi ser etter deg som skaper tryggleik og tillit, samarbeider godt og er ein lojal og trygg kollega – med rausheit, godt humør og tydeleg kommunikasjon. Du jobbar godt i saman med andre, men står òg stødig åleine når det krevst, og du er opptatt av ryddig og god dokumentasjon.

Hos oss blir du del av eit arbeidsmiljø der vi støttar kvarandre og trivst på arbeidsplassen vår.

Har du spørsmål om stillinga, er du velkomen til å ta kontakt med funksjonsleiar Kathrin Bjånes på telefon. 

👉 Du er velkommen til å søkja.

Det vil være moglegheit for forlenging av vikariat. Turnus dag/kveld med arbeid kvar 3. helg.

Kva går jobben ut på?

Arbeidsoppgåvene vil mellom anna vere:

• Miljøterapeutisk arbeid i det daglege.
• Vere ein tydeleg, trygg og engasjert lagspelar i arbeidet med pasientgruppa.
• Gå i ansvarsvakt og bidra til god flyt, prioritering og samarbeid i vakta.
• Trygg og forsvarleg medikamenthandtering i tråd med gjeldande rutinar.
• Samarbeid med interne fagmiljø og eksterne instansar.
  

Kva kompetanse er viktig i denne rolla?

• Norsk autorisasjon som sjukepleiar.
• Gode norskkunnskapar er heilt avgjerande for forsvarleg pasientbehandling. Søkarar som har andre morsmål enn norsk, svensk eller dansk, og som ikkje har fullført norskspråklig vidaregåande skule, må minimum ha bestått Bergenstesten, eller annan norsktest på B2 nivå. Dokumentasjon må vedleggast søknaden. Ved tilsetjing av allereie fast tilsett i føretaket kan ein unntaksvis, i særlege tilfelle, fråvika kravet om bestått norsktest på B2-nivå.

Det er ein fordel med:

• Vidareutdanning innan fagområdet og/eller erfaring fra rusbehandling.
• Relevant kunnskap om dei ulike rusmidlenes farmakologi.
• Erfaring fra miljøterapeutisk arbeid.
  

Kva ser vi etter hos deg?

Vi ser etter deg som er oppriktig engasjert i pasientgruppa, og som byggjer tillit gjennom godt samarbeid. Du er ein lojal og trygg kollega som skaper gode relasjonar, kommuniserer klart og møter både pasientar og kollegaer med rausheit og godt humør.

Du trivst i team, jobbar òg sjølvstendig når det trengst, og står stødig i krevjande situasjonar – med ryddig journalarbeid og god informasjonsflyt.

Personlege eigenskapar vil bli vektlagd.

Kvifor skal du velje oss?

Hos oss får du:

• Eit arbeidsmiljø der vi trivst, støttar kvarandre og har det godt saman.
• Høg fagleg kompetanse og engasjerte kollegaer.
• Moglegheit for både fagleg og personleg utvikling.
• Ein arbeidsplass med fokus på inkludering og mangfald.
  
• God rettleiing og opplæring.

Kontaktinformasjon

Kathrin Bjånes, Funksjonsleiar, +47 41863835, kathrin.bjanes@helse-fonna.no

Arbeidsstad

Karmsundgata 120
5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5066946752
Stillingsprosent: 100%
Vikariat
Startdato: 02.03.2026
Søknadsfrist: 09.02.2026