Vi søkjer sjukepleiar på natt

Vil du vere med og gjere ein forskjell for menneske som treng psykisk helsehjelp?

Ved Haugaland DPS blir du ein del av eit fagmiljø som kvar dag arbeider for å gi trygg og god behandling til pasientane våre.

Haugaland DPS er ein del av Klinikk for psykisk helsevern og rus og har lokale sentralt i Haugesund og på Karmøy. Vi tilbyr eit breitt behandlingstilbod som omfattar allmennpsykiatriske poliklinikkar, FACT-, ACT- og psykose-team, akutt ambulant team (AAT) samt ulike døgnbehandlingstilbod innan psykisk helsevern.

Ved avdelinga vår i Haugesund har vi i dag 28 døgnplassar fordelt på to psykoseavdelingar og ei allmennpsykiatrisk avdeling. Stillinga er tilknytt allmennpsykiatrisk sengepost, men vil innebere arbeid på alle dei tre døgnpostane.

Kva går jobben ut på?

• Vi arbeider etter primærsjukepleieprinsippet, du vil derfor få ansvar for sjukepleiefagleg oppfølging av fleire pasientar og deira pårørande.
• Nært samarbeid med aktuelle eksterne instansar.
• Opplæring og rettleiing av studentar.

Kva kompetanse er viktig i denne rolla?

• Norsk autorisasjon som sjukepleiar.
• Vidareutdanning innan rus eller psykiatri er ønskjeleg, men relevant erfaring kan kompensere for manglande vidareutdanning.
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad.
• Må ha gode IKT-kunnskapar.

Personlege eigenskaper og relevant erfaring blir vektlagd.

Kva ser vi etter hos deg?

Hos oss er det viktig at du:

• kan arbeide godt både sjølvstendig og i team.
• beheld roen og klarer å prioritere i stressande situasjonar.
• behandlar pasientar og pårørande profesjonelt og empatisk, er imøtekommande og viser respekt.
• bidreg positivt til eit fagleg og kollegialt godt miljø.

Vi tilbyr

• Triveleg arbeidsmiljø
• Inkluderande arbeidsliv-bedrift (IA-bedrift)
• Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring.

For å kunne vurdere fortrinnsrett til stilling, må søkar gi til kjenne dette i søknaden

 

Kontaktinformasjon

Carl Enoksen, Funksjonsleiar, 91716795, carl.enoksen@helse-fonna.no

Arbeidsstad

Floravegen 75
5535 Haugesund

Nøkkelinformasjon:

Arbeidsgivar: Helse Fonna HF

Referansenr.: 5088178186
Stillingsprosent: 60%
Fast
Søknadsfrist: 22.03.2026