Pedagogisk leiar - 200 % fast

Vil du vere den vaksne som gjer ein forskjell – kvar einaste dag? Kanskje er det nettopp du som skal vere den vaksne eit barn hugsar resten av livet.

I Rauland barnehage er dagane fylt med frisk fjelluft, små hender i store vottar og nysgjerrige blikk som ventar på å bli møtt. Hjå oss er naturen meir enn ein bakgrunn – ho er ein læringsarena, ein møteplass og ei kjelde til undring.

No ser me etter deg som vil vere med å sjå kvart enkelt barn, byggje sterke relasjonar og skape gode dagar, både ute og inne. 

Me veit at barn lærer best når dei:

• blir sett og forstått
• kjenner seg trygge og viktige
• møter vaksne som bryr seg – på ekte

Difor jobbar me kvar dag for å vere til stades, lytte, støtte og gi rom for kvar enkelt.

I kvardagen hjå oss får du vera med på: 

• turar i skog og fjell, der barna utforskar naturen med heile seg
• leik som får utvikle seg i sitt eige tempo
  
• små, store augeblikk som formar barndom og sjølvkjensle
  
• eit fagmiljø som løftar kvarandre og vil vidare.

Arbeidsoppgåver

• Leie det pedagogiske arbeidet på avdelinga
• Medansvar for det pedagogiske arbeidet i heile barnehagen
• Medansvarleg for den daglege drifta i barnehagen
• Ansvar for å skape eit trygt, godt og inkluderande miljø for barna
• Bidra til lærande fellesskap i barnehagen
• Bidra til at barnehagen har eit godt omdømme
• Byggje relasjonar som gir barn mot til å vere seg sjølve
• Fagleiing av dei tilsette på avdelinga
  
• Vere ein aktiv del av eit leiarteam som vil skape noko saman

Kvalifikasjonar

• Utdanning som barnehagelærar
  
• Annan treårig pedagogisk utdanning på høgskulenivå med vidareutdanning i barnehagepedagogikk
• Ved mangel på kvalifiserte søkjarar vil annan relevant utdanning og/eller erfaring vurderast og godkjennast på dispensasjon

Personlege eigenskapar

• Du er ein trygg og tydeleg leiar
• Du brenn for barns utvikling og leik
• Du har evne til å skape gode relasjonar
• Du er raus, engasjert og initiativrik
• Du likar å jobbe både sjølvstendig og i lag med andre
• Du finn løysingar til det beste for barna i ein travel kvardag
• Du kommuniserer godt med barna, førsette, kollegaer og andre samarbeidspartnerar
• Du likar å vere i aktivitet, både ute og inne
• Du trivast i ein hektisk kvardag
• Du bidreg til eit godt arbeidsmiljø

Vi tilbyr

• Ein barnehage tett på naturen – fjell, skog og årstidene som læringsarena
• Moglegheit til å påverke og setje retning
• Ein arbeidskvardag der ingen dagar er like – og alle betyr noko
  
• Eit varmt og inkluderande arbeidsmiljø
• Fagleg og personleg utvikling, og gode moglegheiter for kompetanseheving
• Ein arbeidsplass der du kan påverke og utgjere ein forskjell
• Aktivitetskortordning med gåvekort, og mogelegheit for å vinne flotte premiar
• God forsikrings- og pensjonsordning
• Løn etter lokal lønstabell - barnehagelærar- årsløn frå 530-656.500,- + ped.leiartillegg på 30.000,-
   

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

For stillingar der det er krav om politiattest, må godkjend attest leggast fram før tilsetting.

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Heidi Rønningen, Verksemdsleiar Rauland barnehage, +47 90646483, heidi.ronningen@vinje.kommune.no

Arbeidsstad

Raulandsvegen 1747
3864 Rauland

Nøkkelinformasjon:

Arbeidsgivar: Vinje kommune

Referansenr.: 5133131088
Stillingsprosent: 100%
Fast
Startdato: 10.08.2026
Søknadsfrist: 04.06.2026