Koordinator for kliniske behandlingsstudiar

Helse Fonna søkjer no kooridinator for kliniske behandlingsstudiar.

Helse Fonna legg til rette for at klinisk forsking inngår som ein integrert del av all klinisk praksis og pasientbehandling. Talet på kliniske behandlingsstudiar skal aukast, og fleire pasientar skal få tilbod om utprøvande behandling gjennom deltaking i kliniske studiar. Føretaket har etablert god struktur for gjennomføring av kliniske behandlingsstudiar, med studiesjukepleiarressurs på fleire fagfelt, forskingsbioingeniør og koordinator ved radiologisk avdeling. 

Stillinga er plassert i Avdeling for forsking og innovasjon. Koordinator vil ha nært samarbeid med studiesjukepleiarar på ulike fagfelt.

Arbeidsoppgåver

• Planlegge og koordinere oppstart og gjennomføring av kliniske behandlingsstudiar
• Ha oversikt over aktive kliniske behandlingsstudiar i føretaket
• Utarbeide og oppdatere relevante retningsliner for kliniske behandlingsstudiar
• Lære opp og rettleie helsepersonell som har oppgåver knytt til kliniske behandlingsstudiar
• Gjennomgå avtalar knytt til kliniske behandlingsstudiar
• Delta i aktuelle regionale og nasjonale fora

Kvalifikasjonar

Må ha:

relevant helsefagleg utdanning på høgskule/universitetsnivå (fortrinnsvis sjukepleiar)

Bør ha: 

• kjennskap til kliniske behandlingsstudiar eller anna helseforsking
• godkjent GCP-opplæring
• erfaring med løysingar for innsamling, handtering og rapportering av data (til dømes Viedoc)

Personlege eigenskapar

• Gode samarbeidsevner
• Ryddig og strukturert
• Kan jobbe sjølvstendig
• Evnar å halde god framdrift i prosessar
• Vilje og evne til å dele kunnskap og erfaring
• Positiv, engasjert og initiativrik

Vi tilbyr

• Godt arbeidsmiljø
• Varierte arbeidsoppgåver
• Opplæring og kompetanseutvikling

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Haldis Johanne Økland Lier, Forskningssjef, +47 95828763

Arbeidsstad

Karmsundgata 120
5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5061180921
Stillingsprosent: 100%
Fast
Søknadsfrist: 31.01.2026