Avdelingsleiar tilrettelagt opplæring

Stord vgs. er ein framtidsretta og mangfaldig regionskule med breitt fagtilbod. Me tilbyr ei rekkje yrkesfaglege og studieførebuande utdanningsprogram, opplæring for vaksne, innføringstilbod, og me er i tillegg knutepunktskule for individuelt tilrettelagt opplæring. Stord vidaregåande skule ligg flott plassert midt i sentrum av Leirvik, med eitt skulebygg på Saghaugen og eit heilt nytt og moderne skulebygg på Vabakkjen. Skulen har lange tradisjonar for tett og godt samarbeid med næringslivet og bidreg med dette til å utvikla regionen.

Stord vgs. er skulen som førebur deg for framtida – FRAMTIDA LIGG OPEN

Skulen har ledig ei fast stilling i 100% som avdelingsleiar frå 01.08.2026 eller etter avtale. Avdelingsleiar vil ha ansvar for avdeling for tilrettelagt opplæring. Avdelingsleiaren inngår i skulen sitt leiarteam og rapporterar til rektor.

Tilbodet om tilrettelagt opplæring i mindre grupper er basert på ei heilskapstenking kring den einskilde elev, der ein ser eleven sine ressursar og moglegheitar. Opplæringa vert lagt til rette slik at eleven på best mogleg måte kan kvalifisere  seg for framtidig bustad og arbeid. Avdelinga er i vekst, og samarbeid med instanser som td. heimkommune, grunnskular, NAV, RLT og tilrettelagde arbeidsstader er ein naturleg del av oppfølginga av elevane.

Arbeidsoppgåver

• Ansvar for å utvikle og leie avdelinga
• Personalansvar for tilsette i avdelinga
• Vikarhandtering
• Tett samarbeid med eksterne instansar
• Fellesoppgåver knytt til utviklingsarbeid og pedagogisk leiing for heile skulen

Endeleg fastsetting av arbeidsoppgåver og ansvar vil bli gjort ut frå ei heilskapsvurdering av kompetanse og arbeidsfordeling i heile leiinga.

Kvalifikasjonar

Våre krav:

• Til alle pedagogiske stillingar er det krav om relevant fagleg og pedagogisk kompetanse, jmfr Opplæringslova.
• Høgare utdanning og min 60 stp. i fag ein evt kan undervise i.
• Spesialpedagogisk kompetanse

Det er ønskjeleg med:

• Leiarutdanning og/eller leiarerfaring
• Erfaring frå vidaregåande skule
• God kompetanse innan IT og skuleadministrative program. 

Alle nytilsette i Vestland fylkeskommune blir tilsett med ei prøvetid på 6 månader. Den som skal tilsetjast i vidaregåande skule må leggja fram politiattest.

Personlege eigenskapar

• Tydeleg leiar med vilje og evne til pedagogisk leiing og utviklingsarbeid
• God på kommunikasjon, både munnleg og skriftleg 
• Løysingsorientert 
• God lagspelar, men samtidig kunne arbeide sjølvstendig 
• Strukturert og dynamisk

Vi tilbyr

• Eit godt arbeidsmiljø, både fagleg og sosialt
• Vera del av leiarteamet
• Løn og lønsutvikling i tråd med Vestland fylkeskommune sin lønspolitikk 
• Gode pensjons- og låneordningar i Statens pensjonskasse

Kontaktinformasjon

Ellen Strandenes, rektor                        , 92624455

Arbeidsstad

Vikastemmo 35
5411 Stord

Nøkkelinformasjon:

Arbeidsgivar: Vestland fylkeskommune

Referansenr.: 5091935844
Stillingsprosent: 100%
Fast
Søknadsfrist: 31.03.2026