Miljøarbeidar - vikariat 80-100%

Åsane vidaregåande skule flytta inn i nye lokale august 2020. Lokala ligg sentralt plasserte mellom Åsane senter og Horisont. Skulen er samlokalisert med offentleg bibliotek, tannhelseteneste, rettleiingsteneste og Åsane og Arna kulturkontor. Ved oppstart august 2026 har vi tilbod til ordinære elevar, deltakarar i vaksenopplæringa, lærlingar og deltakarar i fengselsundervisninga. Vi tilbyr opplæring innan helse- og oppvekstfag, teknikk og industriell produksjon, elektrofag, byggfag, sal, service og reiseliv, idrettsfag og påbygg til generell studiekompetanse, i tillegg til opplæring i små grupper for elevar med særskilde behov.
Skulen har styrkebasert tilnærming som fokus og arbeider ut frå visjonen «sammen gjør vi hverandre gode.» Vi jobbar systematisk for å skape meistring og lærelyst i heile organisasjonen og hjelpe elevane til å bli førebudd på livet vidare.

Det er ledig inntil 4 vikarstillingar som miljøarbeidar på tilrettelagt avdeling for elevar med særskilte behov (HTH - Kvardagslivstrening), der elevane får individuell tilrettelagt opplæring i lita gruppe etter individuell opplæringsplan (IOP). Elevane har samansette og omfattande behov, mellom anna utviklingshemming, autismespekterforstyrringar og store kommunikasjons- og reguleringsutfordringar.

Storleiken på stillingane er frå 80-100%, og er som vikar skuleåret 2026 -- 2027, med oppstart 1/8-2026. Alt etter kvalifikasjonar vil stillinga bli lønna som ufaglært, faglært eller faglært med relevant vidareutdanning.

Menn vert oppfordra om å søkje.

Arbeidsoppgåver

Vi ønskjer medarbeidarar som forstår at kvaliteten i den vaksne sin praksis er avgjerande for elevane si meistring, tryggleik og utvikling. Dette betyr å jobbe med trygge relasjonar, føreseielege rammer, god tilrettelegging i situasjonen.

Arbeidet inneber tett samspel mellom opplæring, omsorg og helsefaglege oppgåver. Miljøarbeidarane spelar ei heilt sentral rolle i gjennomføringa av det pedagogiske arbeidet.

Som miljøarbeidar hjå oss vil du mellom anna:

• arbeide tett med elevar i kvardags- og opplæringssituasjonar.
• bidra aktivt i gjennomføring av mål og tiltak i IOP.
• støtte elevar i kommunikasjon, samhandling, aktivitet og medverknad.
• bidra til tryggleik, regulering og struktur i kvardagen.
• delta i stell, pleie, forflytting, måltid og ADL-aktivitetar.
• samarbeide tett med lærarar, helsefagleg personale og leiing.
• vere ein aktiv deltakar i fagleg refleksjons- og utviklingsarbeid.

Kvalifikasjonar

Vi søkjer deg som:

• har interesse for, og helst erfaring frå arbeid med elevar med utviklingshemming, multifunksjonshemming og store og samansette behov. Du treng ikkje å vere faglært, men det er ein fordel med fagbrev som barne- og ungdomsarbeidar, helsefagarbeidar eller liknande utdanning med fagbrev, gjerne også med vidareutdanning frå fagskule.
• forstår at elevens meistring oftast er situasjons- og relasjonsavhengig.
• er roleg, tydeleg og trygg i møte med krevjande situasjonar.
• evnar å halde fokus over tid og arbeide systematisk.
• er lærevillig, trivst i lagarbeid og tek rettleiing på ein profesjonell måte.

Personlege eigenskapar

Vi legg avgjerande vekt på personlege eigenskapar, og ser etter deg som:

• er oppmerksam og fokusert på eleven.
• er oppmerksam og fokusert på eleven.
• er lyttande, raus og samarbeidsorientert.
• har gode reguleringsevner.
• møter elevar med respekt, tolmod og verdigheit.
• forstår eigen rolle i eit større fagleg system.
• ønskjer å bidra til eit trygt og utviklande miljø -- også når arbeidet er krevjande.

Vi tilbyr

• arbeid i ei fagleg sterk og tverrfagleg avdeling med lang erfaring med elevgruppa.
• tett samarbeid mellom miljøarbeidarar, lærarar og avdelingsleiar.
• rettleiing og støtte i krevjande situasjonar.
• moglegheit til å vere med og utvikle praksis og felles fagleg språk
• eit arbeidsmiljø med vekt på tryggleik, samarbeid og profesjonalitet.