Avsnittsleiar

Om stillinga

Vi har ledig eit vikariat som avsnittsleiar for avsnitt for etterforsking av seksuelle overgrep og grov vald Nordmøre og Romsdal med lengd på minimum eit år. Vi ser etter deg som er særskilt motivert for fagfeltet, har evne til å motivere og utvikle medarbeidarar og som legg til rette for eit godt arbeidsmiljø. I stillinga har du ansvar for drift av avsnittet i tråd med sentrale og lokale retningslinjer. Derfor er det også viktig å vere samfunnsorientert og ha god heilskapleg forståing for avsnittet si rolle i politidistriktet og samfunnet for øvrig.

Ein del av arbeidet ved avsnittet er hendingsstyrt og du vil også bidra i saker i rolla som politifagleg etterforskingsleiar, ta avhøyr eller utføre andre etterforskingsskritt.

Avsnittet er ein del av seksjon for etterforsking ved Felles eining for etterretning, førebygging og etterforsking (FEFE) og avsnittsleiar inngår i seksjonen si leiargruppe. I tillegg deltar avsnittsleiar i nasjonale faggrupper, forum og diskusjonsgrupper. Fagfeltet er høgt prioritert og i denne stillinga får du moglegheit som leiar til å bli med og utvikle faget, sikre høg kvalitet og samarbeide med dyktige medarbeidarar i politidistriktet.

Arbeidsstad er i Kristiansund eller Molde. Noko reiseverksemd må påreknast.

Vi oppmodar særskilt kvinner om å søkje på politileiarstillingar.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi stiller høge krav til fagleg motivasjon, arbeidsmoral og etisk integritet. Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom handlingane sinei det daglege arbeidet.

Evne til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår. I vår vurdering av kandidatar er mellom anna dette noko vi vil leggje vekt på i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

• Leie og utvikle avsnittet innanfor dei strategiar, planar og mål som er sett med fokus på fag, medarbeidarar og produksjon 
• Drive aktiv prioritering av ressursar og straffesaker tillagt avsnittet i samarbeid med funksjonelle og geografiske einingar
• Sørgje for at dei faglege oppgåvene som er lagt til avsnittet blir utført i samsvar med gjeldande lover, reglar og instruksar
• Handtere eiga saksportefølje og bidra i etterforskingar på avsnittet gjennom aktiv utøving av ulike etterforskingsskritt og etterforskningsleiing
• Delta i regionale og nasjonale fagnettverk, og følgje opp sentrale krav og føringar 
• Overordna ansvar for fagleg utvikling og kompetansebygging ved avsnittet, herunder legge til rette for OÅO, systematisk erfaringslæring og kunnskapsbasert forbetringsarbeid
• Samhandle med eksterne samarbeidspartnarar innan fagområdet 
• Vere pådrivar og støttespelar i utviklinga av eit godt medarbeiderskap, ønskt kultur og medarbeidertilfredsheit i organisasjonen
• Ansvarleg for å drive systematisk HMS arbeid ved avsnittet 
• Bidra aktivt i seksjonen si leiargruppe
• Kan påleggast andre arbeidsoppgåver av leiar

Kvalifikasjonar

Dette må du ha for å vere kvalifisert:

• Fullført og bestått politi(høg)skolen
• Brei arbeidserfaring innan etterforsking av alvorlege straffesaker
• God kunnskap om lovverket innan etterforsking
• God munnleg og skriftleg framstillingsevne
• Gode kunnskapar i bruk av politiet sine datasystem
• Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven§ 18 og politiregisterloven §41. Ved søknad på stillinga må du pårekne at det blir henta inn opplysingar frå politiet sine register og system til bruk i vandels- og skikkaheitsvurderinga

Det er også ønskjeleg med:

• Relevant leiarutdanning og/eller leiarerfaring er ein fordel 
• Vidareutdanning innan etterforsking, og særskilt ønska er vidareutdanning innan grov vald/seksuelle overgrep/tilrettelagte avhøyr 
• Erfaring frå etterforskingsleiing i sak og porteføljehandtering
• Erfaring frå etterforsking av saker som omhandlar grov vald eller seksuelle overgrep
• Kjennskap til arbeid innan helse, miljø og sikkerheit

Personlege eigenskapar

• Det vert lagt stor vekt på gode leiareigenskapar herunder evne til å motivere og utvikle medarbeidarar 
• Heilskapsorientert, og kan sette retning og drive endring
• Gode evne til kommunikasjon og relasjonsbygging
• Resultatorientert og har god gjennomføringsevne i samhandling med andre

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Personlege eigenskapar vert vektlagt.

Dette kan vi tilby om du vel oss

• Ein utfordrande og meiningsfull arbeidsplass for deg som vil vere med og forme politiet for framtida
• Vikariat som avsnittsleiar, stillingskode 0287 politioverbetjent, i Møre og Romsdal politidistrikt
• Brutto årslønn frå kr. 790 000 til kr. 890 000
• Godtgjering etter gjeldande ATB på for tida 44 708 kr og tillegg for eventuell turnusteneste 
• Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på www.spk.no  
• Det blir trekt to prosent frå løna til innskot i Statens pensjonskasse
• Mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.