Ynskjer du å bidra til at fleire skal få moglegheiter i arbeidslivet?

Ynskjer du å utgjere ein skilnad og bidra til at fleire skal få moglegheiter i arbeidslivet? Då kan du vera personen me ser etter!

Me søkjer ein dedikert  og strukturert rettleiar til oppfølgingsteamet på Nav Stord. Dette er eit vikariat i samband med at ein tilsett skal ut i foreldrepermisjon. Rettleiarane i oppfølgingsteamet jobbar med oppfølging av menneske som treng bistand for å kunne delta i arbeidslivet. Me ser etter deg som ser viktigheita av heilskapleg oppfølging, samt godt samarbeid med arbeidsgivarar, helsevesenet og andre aktuelle partar i tråd med samfunnsoppdraget til Nav.

Nav Stord er regionskontoret i Sunnhordland. Me er i dag om lag 60 tilsette. Du vil bli tilsett og ha kontorstad på Nav Stord, men du må og pårekne å bruke ein del av arbeidstida ute i møter hjå eksterne samarbeidsparter. I oppfølgingsavdelinga hjå Nav Stord blir du del av eit engasjert og inkluderande fagmiljø som brenn for å gi menneske moglegheiter på arbeidsmarknaden. Hos oss vil du bli ein del av ein gjeng på 16 personar som saman jaktar på gode løysingar og betre tenester for brukarane våre. Hos oss får du arbeide både sjølvstendig og i tett samarbeid med kollegaer, med stor fridom til å forme din eigen arbeidskvardag. Me set høge krav til fagleg kvalitet, men like høgt til trivsel og lagånd.

I søknadsteksten ber me deg skrive noko om kva som motiverer deg til å søkje på denne stillinga.

Arbeidsoppgåver

• Kartlegge og avklare den einskilde brukar sine ressursar, moglegheiter og oppfølgingsbehov
• Ha tett oppfølging av brukarar med fokus på motivasjon, meistring og arbeid
• Oppsøkje og skape dialog med verksemder i nærområdet og regionen
  
• Bidra til gode relasjonar internt og eksternt, og bruke relevante tiltak og verkemiddel for arbeidsinkludering
• Gjere vurderingar, saksbehandla og dokumentere med utgangspunkt i aktuelt lovverk som folketrygdlova, forvaltningslova og Nav-lova
  

Nav er ein organisasjon i stadig utvikling og endring, og arbeids- og ansvarsområdet for stillinga kan difor endre seg etter behov.

Kvalifikasjonar

Du må ha

• Fullført utdanning på minimum bachelornivå, gjerne innan fagområde som rettleiing, helse, leiing, pedagogikk eller sosialfag. Relevant utdanning og/eller erfaring kan kompensere for kravet til utdanning.
• God munnleg og skriftleg framstillingsevne på norsk
• Erfaring frå oppgåver som krev samarbeid med andre
• Førarkort kl. B
  
  

Det er ynskjeleg at du har

• God kjennskap til arbeidsmarknaden
• God kjennskap til bruk av digitale arbeidsreiskap
• Kjennskap til LEAN-metodikk
• Erfaring frå oppfølgingsarbeid, rettleiing eller motivasjonsarbeid
• Forståing for forvaltning av lovar og reglar

Me ser etter deg som

• Er ein god relasjonsbyggar
• Jobbar strukturert, kan dokumentere løpande og veksle mellom ulike arbeidsoppgåver
• Tek ansvar for eigen fagleg utvikling og medverkar til eit godt arbeidsmiljø
• Er initiativrik
  

Vi tilbyr

• Meiningsfulle og utfordrande arbeidsoppgåver i ein organisasjon med eit viktig samfunnsoppdrag
• Store moglegheiter for fagleg og personleg utvikling
• Eit arbeidsmiljø med høg trivsel som er prega av godt kvalifiserte og engasjerte medarbeidarar
• Fleksibel arbeidstid og moglegheit for trening i arbeidstida
• Statleg tilsetting i stillingskode 1434 rådgjevar i lønnspenn frå kr. 622 000 - 645 000 per år. For særs kvalifiserte søkjarar kan noko høgare lønn vurderast.
• God pensjonsordning, låneordning og forsikringar gjennom Statens pensjonskasse

Les meir om Nav som arbeidsgivar

Kontaktinformasjon

Siv-Iren Sijtsema, Avdelingsleiar, 480 71 015, siv-iren.sijtsema@nav.no

Arbeidsstad

Bandadalsplassen 7
5417 Stord

Nøkkelinformasjon:

Arbeidsgivar: Nav

Referansenr.: 5064008199
Stillingsprosent: 100%
Vikar
Startdato: 01.04.2026
Sluttdato: 31.05.2027
Søknadsfrist: 04.02.2026