ID 2430 Ressurskoordinator/vikarformidlar - Eining for institusjonar

Er du strukturert, serviceinnstilt og trivst i rolla som bindeledd mellom fleire avdelingar?

Det er ledig nyoppretta prosjektstilling ut 2027 som ressurskoordinator/vikarformidlar,

med moglegheit for fast tilsetjing etter endt prosjektperiode. Stillinga er 100% storleik og med arbeidstid på dag.

Me søkjer ein engasjert og løysingsorientert person som vil vere med å sikre god ressursstyring og kvalitet i tenestene ved Stord sjukeheim og Knutsaåsen omsorgssenter.

Dette er ei sentral stilling for å sikre at einingane har rett kompetanse -- til rett tid -- på rett plass.

Arbeidsstad og organisering

Stillinga har arbeidsstad på Stord sjukeheim, men arbeider for både Stord sjukeheim og Knutsaåsen omsorgssenter. Du samarbeider tett med avdelingsleiarar, HR og andre einingar, og rapporterer til einingsleiar for Institusjonstenester.

Arbeidsoppgåver

• Vikarhandtering og ressursstyring i eininga

• Støtte til leiarar / turnus- og personaloppgåver

• Ha ansvar for andre administrative oppgåver på systemnivå

• Samhandle tett med avdelingsleiarar, tilsette og andre samarbeidspartnarar.

• Bidra til ei god fordeling av kompetanse og kontinuitet for brukarane.

• Representere eit ryddig, høfleg og løysingsorientert støtteapparat for eininga.

• Vera fagleg oppdatert på lov og avtaleverk

Kvalifikasjonar

• Administrativ, kontorfagleg eller helsefagleg utdanning. Relevant erfaring kan kompensere for manglande formell utdanning.

• Gode digitale ferdigheiter og vilje til å lære kommunens system.

• God skriftleg og munnleg kommunikasjonsevne.

• Erfaring med ressursstyring, bemanning eller arbeid i helsesektoren er ein fordel.

Personlege eigenskapar

• Strukturert, nøyaktig og påliteleg.

• Serviceinnstilt med gode samarbeidsevner på tvers av fag og avdelingar.

• Evne til å handtere periodar med høgt tempo på ein roleg og profesjonell måte.

• Sjølvstendig, ansvarsfull og trygg i vurderingane dine.

Me kan tilby:

• Ei variert og viktig rolle i eit fagmiljø med stort samfunnsoppdrag

• Gode kollegaer og tett samarbeid med leiargruppa

• Moglegheit for fagleg utvikling

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Lønns- og arbeidsvilkår i samsvar med kommunalt avtaleverk.

• Offentleg tenestepensjon.

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Ta gjerne kontakt om du har spørsmål: Einingsleiar Britt Nelly Hystad Barane 53454510 / 92486358