ID 2441 Helsefagarbeidarar - Tenester til heimebuande

Er du ein engasjert helsefagarbeidar med interesse for demensomsorg, og ønskjer du å bidra til ein trygg og meiningsfull kvardag for personar med demens og deira pårørande? Då vil me gjerne ha deg med på laget vårt!

Heimebaserte tenester i Stord kommune er organisert i område med eigne helseteam. Demensteamet gir målretta og fagleg sterke tenester til heimebuande personar med demens. Me jobbar systematisk med kompetanse, tverrfagleg samarbeid og oppgåvedeling.

Me har ledig følgjande faste stillingar for helsefagarbeidarar i demensteam.

• 2 x 100 % stilling

• 1 x 70 % stilling, med moglegheit for 100% gjennom arbeid i andre avdelingar i eininga.

Arbeidstidsordning

Arbeidstid etter avtale. Følgjande alternativ kan vere aktuelle:

• Langvaktsturnus med langvakter kvar 4. helg i årsturnus

• Turnus dag og kveld, med arbeid kvar 3. helg i årsturnus.

Arbeidsoppgåver

• Utøve personsentrert omsorg til heimebuande personar med demens, med fokus på verdigheit, meistring og livskvalitet

• Arbeide målretta for å skape struktur, tryggleik og føreseieleg kvardag, og bidra til å førebyggje uro, fall og funksjonsfall

• Yte helsehjelp isamsvar med vedtak, og melde frå ved behov for justering av tenestene

• Samarbeide tett med pårørande, kollegaer og andre faggrupper for å sikre samanhengande og koordinerte tenester

• Utføre dokumentasjon og fagleg oppfølging i tråd med gjeldande rutinar, lovverk og krav til kvalitet

• Medverke aktivt i demensteamet, inkludert fagleg utvikling, refleksjon og kvalitetsforbetring

• Arbeide etter prinsippet <<Kva er viktig for deg?>>, og inkludere brukar og pårørande i planlegging og gjennomføring av tenestene

Kvalifikasjonskrav

• Autorisasjon som helsefagarbeidar

• Personar med relevant erfaring som er i løp mot fagbrev, samt lærlingar på siste året, er også velkomne til å søkje.

• Erfaring frå, eller sterk interesse for, arbeid med demens

• Erfaring frå eldreomsorg er ein fordel

• Gode norskkunnskapar, munnleg og skriftleg

• Førarkort klasse B

• Politiattest må leggjast fram ved tilsetjing

Me ser etter deg som

• er trygg, tolmodig og har god relasjonskompetanse

• har interesse for fagleg utvikling og ønskjer å bidra til kontinuerleg kvalitetsforbetring

• ønskjer å arbeide innan demensomsorga og har respekt for brukaren si livssituasjon

• taklar ein variert og til tider krevjande arbeidskvardag

• arbeider sjølvstendig, strukturert og ansvarleg innanfor gitte rammer

• har gode samarbeidsevner og kommuniserer godt med brukarar, pårørande og fagmiljø

• er medviten om eiga rolle og ansvar knytt til vedtak, fagleg forsvarlegheit og etiske vurderingar

• tek i bruk velferdsteknologi aktivt i arbeidskvardagen og bidreg i utviklingsarbeid

Personlege eigenskapar vert vektlagde.

Me tilbyr

• Eit godt og inkluderande arbeidsmiljø

• Engasjerte kollegaer med høg fagleg kompetanse innan demensomsorg

• God opplæring og tett oppfølging

• Arbeid i eit fagmiljø med fokus på kvalitet, ansvar og oppgåvedeling

• IA-bedrift og bedriftshelseteneste

• Tilgang til Stord Ve og Vel (leige av leilegheiter i Røldal og Husøy, båt og utstyr)

• Løn og arbeidsvilkår etter gjeldande lov- og avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktinformasjon:

Kristin Steinsland, einingsleiar 41 69 42 66, Renate Matre, avdelingsleiar 924 06 497