Ledig spennande stilling i heimetenesta for deg som er sjukepleiar!

Vil du bli ein del av vårt engasjerte team? Me ser etter sjukepleiar som vil vera ein viktig ressurs i folks kvardag og som vil bidra til at våre bruarar opplever tryggleik, sjølvstende, omsorg og meistring i eigen heim -lengst mogleg. 
Heimebaserte tenester er i utvikling og me treng å tilsette ein dyktige, fleksibel og engasjert sjukepleiar i 80-100 % fast stilling i indre sone.
Heimetenestene i Vindafjord kommune har basekontor i Ølen og Nedre Vats og gjer tenester til brukarar som bur heime.
Basekontoret til indre sone er på Ølen omsorgssenter og me gjer tenester til heimebuande i Ølen, Ølensvåg, Bjoa, Sandeid, Vikedal og Imsland.

• Gje våre brukarar fagleg gode tenester.
• Sjukepleiefaglege oppgåver som: God pleie, medisinsk observasjon, planlegga og utføra tiltak, prosedyrar, medikamenthandtering, primærgruppearbeid, ressursoppgåver, miljøterapi med meir.   
• Ansvarlig sjukepleiar på vakt. 
• Opplæring og bruk av ulike velferdsteknologiske løysningar.
• Rettleiing og tverrfagleg samarbeid.
• Fagleg vekst og utvikling i eit godt og inkluderande arbeidsmiljø.

• Ein jobb med meining og faglege utfordringar som vil gje deg vekst og utvikling.
• Arbeid med engasjerte kollegaer som ønsker at du skal trivast og lukkast.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Støtte og opplæring for å hjelpa deg å komma godt i gong i den nye rolla di.
• Kjekke tilsettgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor (KORe’ Vindafjord)
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.
• Med vår helgeavtale kan du tene ekstra per time når du tek på deg fleire helgevakter - meir jobb i helga, meir pengar i lomma!
• Hjå oss vil du møte heimebuande med ulike helseutfordringar, både akutte situasjonar og personar med kroniske sjukdomar som krev langsiktig handsaming.
• Årsturnus dag/kveld.
• Langvakter i turnus for tilsette som ønskje å prøve ut denne arbeidstidsordninga.

• Norsk autorisasjon som sjukepleiar
• 3. års sjukepleiarstudent som er forventar å fullføra studie til sommaren kan og søkja.
• Kandidatar med interesse for velferdsteknologi oppfordrast til å søka
• Relevant vidareutdanning
• Skriftspråket i kommunen er på nynorsk. Du må beherska godt norsk, både skriftleg og munnleg
• Sertifikat for personbil klasse B

Personlege eigenskapar:  

• Du tek raskt til deg ny kunnskap og er ein pådrivar for å prøva ut velferdsteknologiske løysingar som eit vertøy.    
• Har pågangsmot og evne til å finna løysingar.
• Har eit ynskje om å arbeida med menneske med komplekse og varierande hjelpebehov.
• Er problemløysande og handterer utfordringar med ro og fagleg kompetanse.
• Er fagleg engasjert og opptatt av kvalitet i all pasient behandling
• Du bidreg til eit eit trygt og godt arbeidsmiljø.     
  
• Du er dyktig til å omstille deg etter situasjonane og har gode evner til å samarbeida på tvers av faggrupper og miljø.
• Arbeider konstruktivt, sjølvstendig og trivast med til tider hektiske arbeidsdagar.
• Er fleksibel og ser nytte av å arbeida på tvers av sonene.

Personlege eigenskapar vil bli vektlagt.

• Det er eit krav om godkjent politiattest for den som tilsettes i stillinga.
• Det er eit krav om at ein fyller ut egenerklæringsskjema for MRSA og tuberkulinstatus, før tiltredelse. 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.