100% stilling som PP-rådgjevar ved PPT og logopedkontoret

Vil du bidra til godt læringsmiljø for barn og unge i Ullensvang?

Ullensvang kommune har ledig 100% fast stilling som PP-rådgjevar, med arbeidsoppgåver i hovedsak retta mot skule. Vi søkjer deg som ønskjer å arbeida systemretta og som er opptatt av at alle barn og unge i kommunen skal ha eit godt og inkluderande læringsmiljø.

Om oss
PPT og logopedkontoret yter pedagogisk-psykologisk teneste til barnehagar, skular og vaksenopplæringa. Kontoret tilbyr og logopedtenester til både barn og vaksne i Ullensvang kommune. Tenesta skal vera tilgjengeleg for alle barn og unge i kommunen, og vi arbeider aktivt for tidleg innsats og førebygging på systemnivå, i tillegg til individretta arbeid der lova krev det.

Arbeidsoppgåver:

• Systemretta arbeid inn mot skulane, med fokus på utvikling av inkluderande læringsmiljø

• Rettleiing og kompetanseheving overfor skular og tilsette ved skulane

• Utarbeiding av sakkunnig vurdering i saker der opplæringslova krev det

• Delta i tverrfagleg samarbeid rundt barn og unge, mellom anna gjennom BTI

• Bidra i utviklings- og kvalitetsarbeid i eiga teneste 

• Delta i samarbeid med skular, føresette og andre samarbeidspartar

Kvalifikasjonskrav:

• Mastergrad i pedagogikk/spesialpedagogikk, psykologi eller annan relevant utdanning på masternivå

• Erfaring frå skule og/eller PP-teneste er ein fordel

• Kjennskap til og erfaring med systemretta arbeid er ein fordel

• God kjennskap til opplæringslova og forvaltningslova

• God skriftleg og munnleg framstillingsevne

• Lærarar med relevant erfaring frå grunnskulen og arbeid med ITO vert også oppmoda til å søkje. 

Personlege eigenskapar:

• Har interesse for å arbeida på systemnivå

• Har god relasjonskompetanse og er god til å byggja tillit

• Er sjølvstendig og strukturert i arbeidet ditt

• Er løysingsorientert og bidreg positivt i fagmiljøet

• Trivst med varierte arbeidsoppgåver i eit tverrfagleg felt

Me tilbyr:

• Ei viktig rolle i utviklinga av gode læringsmiljø i kommunen

• Godt fagmiljø med engasjerte kollegaer

• Varierte og meiningsfulle arbeidsoppgåver

• Lønn etter hovudtariffavtalen

• Gode moglegheiter for kompetanseheving med støtte frå kommunen

• Fleksibel arbeidstid og gode permisjons- og pensjonsvilkår.

Krav:

• Politiattest jfr gjeldande lov

• Det er eit krav at den som vert tilsett har sertifikat klasse B. Tilsette må disponera eigen bil

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/