Miljøterapeut i Familieteamet 100% fast stilling

Familieteamet i Vindafjord og Etne har ledig stilling som miljøterapeut!  

Har du eit engasjement for barn og unge? Er du oppteken av å hjelpe der hjelpa trengs? Er du god på menneskemøte og løysningsorientert?  

Familieteamet i Vindafjord jobbar forebyggande og endringsretta i høve barn, unge og deira familiar. Me har to mandat, lågterskel og etter vedtak frå barnevernet. Me eit tverrfagleg team som består av 8 familierettleiarar og 2 miljøterapeuter, fagleiar og avdelingsleiar. Alle jobbar både lågterskel og etter mandat frå barneverntenesta. Miljøterapeutane jobbar primært i heimen. 

Me søkjar ein miljøterapeut i 100% fast stilling til spanande endringsarbeid. Me søkjar deg som har eit ønskje om å hjelpa andre, og som kan bidra til å skapa eit positivt miljø for våre brukarar. Me ser etter deg som er ein lagspelar og har eit positivt menneskesyn. Du er trygg, tillitsvekkande og har god evne til å sjå løysingar. Du vil få moglegheit å strukturere din eigen dag og jobbe mykje sjølvstendig. Du vil møte menneske i både kriser og komplekse situasjonar. Det er naudsynt med gode kommunikasjonsferdigheter, samt evne til å handtere og tole konflikt og sterke kjensler.  

Arbeidsoppgåver: 

• Endringsarbeid og rådgjeving til familiar i ulike livssituasjonar 

• Oppfølging av kompenserande tiltak i familiane 

• Gjennomføre individuell og gruppebasert praktisk oppfølging for brukarar som treng støtte 

• Oppfølging av saker som inneber samtalar med born, foreldre og observere samspel ved heimebesøk 

• Tverrfagleg samarbeidsmøter med ulike instansar  

• Skriftleg dokumentasjon av prosessar, tiltak og vurderinger  

• Tett kontakt med kontaktperson i barneverntenesta  

• Arbeidet utførast i hovudsak på dagtid, men nokre timar ettermiddag/kveldsarbeid må påreknast vekentleg. Helgearbeid vil ikkje føregå på fast basis, men i enkelte saker kan det vera behov for at ein også må gje oppfølging i helg.  

Kvalifikasjoner:  

• Treårig høgskuleutdanning, fortrinnsvis bachelor i barnevern eller sosionom. Andre utdanningar kan vurderast 

• Erfaring frå arbeid med barn og familiar i barnevernstenesta vil vera ein fordel  

• God formidlingsevne i norsk munnleg og skriftleg  

• Førarkort klasse B
  

• Du må beherska godt norsk, både skriftleg og munnleg. Skriftspråket i kommunen er på nynorsk.  

• Det må leggast fram politiattest  

Personlege eigenskapar:  

• Trygg og tillitsvekkande 

• Positiv og løysingsorientert 

• Evne til å jobba effektivt og strukturere eigen arbeidsdag 

• Evne til å jobbe sjølvstendig, men også vera ein del av eit fagleg team 

• Evne til nytenking, kritisk refleksjon og opptatt av personleg fagleg utvikling 

• Evne til å motivere for endring og å sjølv vera endrings- og utviklingsfokusert 

• Evne til samarbeid med familiar, samarbeidspartnarar og kollegaer 

• Ei god kollega og ei støtte for dine medarbeidarar 

• Opptatt av eit positivt menneskesyn og brukarmedverknad 

Personlege eigenskapar vil bli vektlagt.  

Me kan tilby: 

• Eit kollegafellesskap som består av engasjerte og fagleg sterke familierettleiarar og miljøterapeutar som er opptekne av å gjere ein forskjell for familiane me jobbar med og for å skape ein god arbeidsplass 

• Tett oppfølging frå kollegaer i kvardagen og jamleg individuell rettleiing 

• Ein fleksibel og variert arbeidskvardag, der ein får vera med å forma arbeidsdagane sjølv. Me har fleksitidsordning 

• Kjekke ansattgoder som blant anna gratis parkering og rabatt på treningssenter 

• Ein av Norges sikraste pensjonsordningar: offentleg tenestepensjon 

• Forsikringsordningar som gruppelivsforsikring, yrkesskadeforsikring og tenestereiseforsikring 

• Konkurransedyktig lønn etter gjeldande tariff og avtaleverk 

Slik søkjar du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei tas med til intervju. Ta kontakt med servicetorget på telefon 53 65 65 65 dersom du treng hjelp til å søka. 

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.