Pedagogisk leiar + barnehagelærar i Nybø barnehage

Er du klar for interessante arbeidsoppgåver? No har me ledig eitt års vikariat som pedagogisk leiar og ei stilling i vikariat som barnehagelærar i Nybø barnehage i Sogndal kommune. 

Nybø barnehage ligg i Leikanger, omlag 20 kilometer frå Sogndal sentrum. Barnehagen ligg like ved riksvegen med busstopp rett ved.

Nybø barnehage har inneverande barnehageår 53 barn fordelt på 3 avdelingar. Me har to aldersblanda einingar i Fylkesmannsgarden og ei småbarnseining i Sorenskrivargarden. Begge bygga er flotte bygg frå midten av 1800-talet, med sjel og eit koseleg miljø. 

Barnehagen ligg fint til i solrike omgjevnadar heilt nede ved fjorden. Nærleik til flott natur med skog og mark, badestrand, sentrum, idrettshall og andre funksjonar. Temaet for barnehageåret 2025/2026 er friluftsliv og matglede.

Nybø barnehage har fleire tydelege satsingsområde som pregar kvardagen og arbeidet vårt. Me jobbar målretta med å sikre ein god overgang frå barnehage til skule, slik at barna får ein trygg og samanhengande start på vidare opplæring.

Samstundes har me fokus på å styrke robuste barn og unge gjennom arbeid med livsmeistring, der barna får utvikle sjølvkjensle, relasjonar og evne til å handtere ulike situasjonar.

Eit inkluderande barnehagemiljø er òg sentralt i alt me gjer, og me arbeider aktivt for at alle barn skal oppleve tilhøyrsle, tryggleik og fellesskap.

I Nybø barnehage får du 16 kollegaer med høg kompetanse, og god miks i alder. Leiinga består av styrar og assisterande styrar. 

Me søkjer no etter:   
-100% vikariat som pedagogisk leiar frå 01.08.2026 – 31.07.2027
-100% vikariat som barnehagelærar frå snarast - 31.07.2027. 

 Arbeidsoppgåver:

• Sikra eit inkluderande, inspirerande og utviklande leike- og læringsmiljø  
• Ansvar for planlegging, gjennomføring, dokumentasjon og evaluering av det
• Pedagogiske arbeidet
• Medverka til gode prosessar i det pedagogiske arbeidet i teamet vårt
• Fagleg leiing, medleiing og drift av avdeling i barnehagen
• Bidra til eit godt samarbeid med føresette
• Ansvar for rettleiing og tilrettelegging for fagarbeidarar, assistentar og lærlingar  

 Kvalifikasjonar:

• Godkjend barnehagelærarutdanning, ev. Anna høgskuleutdanning som gjev barnehagefagleg og pedagogisk kompetanse
• Du må kunne nytte ikt i arbeidet og vere villig til å del i den teknologiske utviklinga
• Beherske norsk godt, både skriftleg og munnleg
• Menn vert oppmoda om å søkje

• Positiv, inkluderande og glad i nye utfordringar 
• Fagleg engasjert, tek initiativ og ansvar
• Evnar å skapa gode relasjonar i barnegruppa, med føresette og medarbeidarar 
• Gode samarbeidsevner og fleksibel
• Taklar høgt tempo i kvardagen
• Godt humør

Me tilbyr ein spanande jobb i eit godt arbeidsmiljø med gode høve for å ta del i utvikling av barnehagen, fagleg og personleg. Me har gode pensjons- og forsikringsordningar og gode velferdsordningar.  

Du kan bli betre kjend med Sogndal kommune og barnehagen her:
Oppvekst og utdanning - SOGNDAL KOMMUNE
Nybø barnehage - SOGNDAL KOMMUNE 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Politiattest av ny dato må leggast fram før tilsetjing. 

Søknadar må leverast innan fristen og sendast via rekrutteringssystemet vårt EasyCruit.