Jobbspesialist - arbeid med støtte

Er du ein person som er god på å finne ressursar hos kvart enkelt menneske? Motiverast du av å jobbe med menneske, og har tru på at alle, til tross for utfordringar, kan få og halde på ein ordinær jobb? Då er det kanskje nettopp deg vi ser etter.

Nav Nordfjord søkjer ein engasjert, motivert og uredd jobbspesialist til vårt team. Arbeid med støtte er eit arbeidsretta oppfølgingstiltak i Nav, og som jobbspesialist vil du spele ei sentral rolle i å hjelpe våre brukarar med å finne og halde på arbeid. Du vil jobbe tett med arbeidssøkjarar, arbeidsgjevarar og andre samarbeidspartnarar for å sikre gode og varige arbeidsforhold. Som jobbspesialist vil du følgje opp deltakarar etter Supported Employment-metodik (SE), ein metodikk som har svært gode resultat å vise til.

Stillinga er eit vikariat for ein foreldrepermisjon. Kontorstad er Nordfjordeid, men reise i heile Nordfjord må påreknast.

Kva går jobben ut på?

• kartlegge arbeidssøkjarane sine interesser, ferdigheiter og eigenskapar, samt kople dette med riktig arbeidsgjevar
• oppsøkje bedrifter, bygge nettverk og relasjonar i heile region Nordfjord
• engasjere og motivere arbeidssøkjarar og arbeidsgjevarar
• følgje opp arbeidssøkjarar i studie eller jobb
• vere ansvarleg for framdrift i eigen portefølje
• dokumentere og rapportere i Nav sine fagsystem
• bidra til å utvikle og forbetre tenestene våre

Kva kompetanse er viktig i denne rolla?

Du må ha

• fullført utdanning på minimum bachelornivå frå universitet eller høgskule. Relevant erfaring og /eller utdanning kan kompensere for kravet til utdanning.
• rettleiingskompetanse, relevant erfaring frå rettleiing, motivasjon eller oppfølgingsarbeid
• førarkort klasse B
• gode munnlege og skriftlege kommunikasjonsferdigheter på norsk
• gode digitale ferdigheiter

Det er ein fordel om du har

• erfaring frå å jobbe med oppfølging av menneske
• kjennskap til arbeidsmarknaden og utdanningsmoglegheiter i Nordfjord
• erfaring frå Supportet Employment metodikken

Kva ser vi etter hos deg?

• du har tru på at alle menneske kan skaffe og halde på arbeid
• du har vilje og motivasjon til å drive oppsøkjande verksemd
• du skaper gode relasjonar og møtee menneske med ulike utfordringar på ein god måte
• du jobbar resultatorientert
• du handterer høgt arbeidstempo og tole uforutsigbarheit
  

Kvifor velje oss

• ein meningsfull og utfordrande jobb innanfor eit viktig samfunnsområde
• engasjerte kollegaer i eit inkluderande arbeidsmiljø
• gode moglegheiter for fagleg og personleg utvikling innanfor ein stor offentleg verksemd
• velferdsgode som fleksibel arbeidstid og moglegheit for trening i arbeidstida
• god pensjonsordning, låneordning og forsikringar gjennom Statens pensjonskasse
• tilsetting i stillingskode 1434 rådgjevar, med lønnsspenn fra kr. 622000 - 640000 kr per år. For særleg kvalifiserte søkjarar kan noko høgare løn vurderast.

Les meir om Nav som arbeidsgivar

Kontaktinformasjon

Kari Tonning, Avdelingsleiar, 452 33 070, Kari.Tonning@nav.no

Arbeidsstad

Rådhusvegen 11
6770 Nordfjordeid

Nøkkelinformasjon:

Arbeidsgivar: Nav

Referansenr.: 5120688049
Stillingsprosent: 100%
Vikar
Søknadsfrist: 18.05.2026