Fysioterapeut - fast 100% stilling

Vil du jobbe som fysioterapeut i spektakulære omgjevnader – med fagleg breidde og utviklingsmoglegheiter?

Medisinsk seksjon ved Lærdal sjukehus har ledig fast 100% stilling som fysioterapeut. Startdato etter avtale, gjerne så snart som mogeleg. 

Lærdal sjukehus er ein del av Helse Førde HF og ligg inst i vakre Sognefjorden, med gode kommunikasjonar til både Oslo og Bergen. Her får du det beste av vestlandsnaturen – med fjord, fjell og flotte turmoglegheiter rett utanfor døra, året rundt. 

Hos oss får du ein variert og spennande arbeidskvardag med oppgåver både på sengepost og i poliklinikk. Du vil arbeide med individuell oppfølging av pasientar, treningsrettleiing, kurs og undervisning. Vi legg vekt på fagleg utvikling, og du får høve til å delta aktivt i utviklingsarbeid innan fysioterapitenesta. Du vil òg vere med på å utvikle og etablere nye tverrfaglege tilbod innan medisin.

For tida har vi òg oppgåver knytte til ortopedisk sengepost og poliklinikk, noko som gir gode moglegheiter for fagleg breidde og fordjuping.

Hos oss blir du ein del av eit engasjert og kompetent fagmiljø – der samarbeid, kvalitet og pasientnær praksis står i sentrum.

Arbeidsoppgåver

• Fysioterapi til inneliggande pasientar 
• Fysioterapi ved poliklinisk hjerterehabilitering
• Fysioterapi ved poliklinikk
• Undervise på Lærings- og meistringskurs
• Andre aktuelle oppgåver

Kvalifikasjonar

• For stillinga krevst det dokumentert autorisasjon.
• Det vert lagt vekt på erfaring frå spesialisthelsetenesta
• Søkarar utanfor Skandinavia må dokumentere kunnskap i norsk skriftleg og munnleg    
  

Personlege eigenskapar

• Du må kunne arbeide godt både sjølvstendig og i team
• Du har gode samarbeidsevner, er arbeidsvillig og initiativrik
• Du må fysisk kunne delta aktivt i utandørs hjerterehabilitering

Det vert lagt vekt på personlege eigenskapar

Vi tilbyr

• Lønn i samsvar med gjeldande overeinskomst
• Gode pensjons- og forsikringsordninga
• Ein arbeidsplass som er ei inkluderande arbeidslivsbedrift (IA-bedrift)
• Personalhytta på Filefjell
• Hjelp med å skaffa bustad

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Hrafnhildur Yr Elvarsdottir, Seksjonsleiar Medisinsk - og Ortopedisk seksjon LSH, (+47) 415 30 456, hrafnhildur.yr.elvarsdottir@helse-forde.no
Andrea Maruland, Einingsleiar , (+47) 911 34 419, andrea.emilie.sandvik.maurland@helse-forde.no

Arbeidsstad

Sjukehusvegen 9
6887 LÆRDAL

Nøkkelinformasjon:

Arbeidsgivar: Helse Førde

Referansenr.: 5074246063
Stillingsprosent: 100%
Fast
Søknadsfrist: 25.02.2026