Avdelingsleiar for bu og miljø i Leikanger

Bu- og miljøtenesta i Leikanger ser etter ein leiar som gjer kvardagen trygg for brukarane og jobben tydeleg for medarbeidarane. Hos oss får du leie ei teneste der relasjonar, fagleg kvalitet og kvardagsglede betyr mykje. 

Dette er jobben for deg som likar ansvar, likar folk og som trivst når du både kan bygge struktur og skape retning. 

Kvifor denne jobben betyr noko
Tenesta gir støtte til menneske med ulike funksjonsnedsettingar. Gode dagar kjem ikkje av seg sjølve. Dei kjem av trygge rammer, fagleg kvalitet og leiarar som er til stades. Det er her du kjem inn. 

Du blir ein av avdelingsleiarane i bu- og miljøtenesta og ein viktig del av eit leiarteam som samarbeider tett om både folk, fag og drift. 

Slik kan arbeidskvardagen din sjå ut
Drift av ei slik teneste er variert, og ingen dagar er like. Her er nokre av dei typiske arbeidsoppgåvene du vil få: 

• Leie den daglege drifta  i Leikanger 

• Vere ein trygg leiar for medarbeidarane dine 

• Følgje opp budsjett og ressursbruk på ein god og realistisk måte 

• Sikre at tenestene er i tråd med lovverk og faglege krav 

• Utvikle arbeidsformer som gjer kvardagen betre både for brukarane og dei tilsette 

• Bidra til eit miljø der folk tør å prøve, lære, feile og utvikle seg 

Kven passar i denne rolla? 
Me ser etter ein leiar som er tydeleg, varm, lyttande og strukturert. 

Me trur at du: 

• Har høgare utdanning innan helse eller sosialfag (minimum bachelor) 

• Har god kjennskap til relevant lovverk 

• Har gode norskkunnskapar, munnleg og skriftleg 

• Er komfortabel med digitale verktøy 

• Har erfaring frå teamleiing eller prosjektarbeid er ein fordel, men ikkje eit krav 

• Har eit engasjement for endring og utviklingsarbeid 

 Personleg eignaheit blir vektlagt. Me trur at riktig person kan lære mykje, så lenge viljen, vurderingsevna og haldningane er på plass. 

 Hos oss får du

• Ei meiningsfull leiarstilling med påverknadskraft 

• Eit fagmiljø med høg kompetanse og kort veg til avgjerder 

• Rom for utvikling og fagleg vekst 

• Løn etter avtale og gode ordningar gjennom KLP 

Me ønskjer eit mangfaldig arbeidsmiljø og oppmodar alle kvalifiserte til å søkje. Administrasjonsmålet er nynorsk.
Det er seks månaders prøvetid. Opplysningar om søkjarar kan bli offentleggjorde etter offentleglova § 25.