Sjukepleiar og vernepleiar til Rus- og avhengigheitsklinikken (RAK)

Rus- og avhengigheitsklinikken (RAK) treng fleire dyktige og engasjerte sjukepleiarar og vernepleiarar. 

RAK tilbyr behandling og oppfølging til menneske med rus- og avhengigheitslidingar. RAK satsar også sterkt på forsking og kvalitetsutvikling innan rushelsetenesta. RAK har om lag 600 tilsette og ti kliniske seksjonar som tilbyr avrusing, stabilisering, poliklinikk, døgnbehandling for både kvinner og menn, familieambulatorium, LAR-behandling og ambulante tenester. Vi har også det einaste medikamentfrie behandlingstilbodet i vår region for unge mellom 18 og 40 år. 

Vi har ledig følgande stillingar: 

*  Seksjon Martens, Tvangspost har ledig 100% faste stillingar som sjukepleiar eller vernepleiar. 2-delt turnus og kvar 3. helg.

*  Seksjon Tertnes, Kvinneposten (KP) For desse stillingane kan ein få vidare fast stilling i ein av RAK sine mange spennande avdelingar. Vidare arbeidsstad vil bli avtalt nærare i dialog med den tilsette.

*  100% vikariat som sjukepleiar eller vernepleiar frå snarast og til 31.12.2026 med mogleg forlenging. 2-delt turnus og kvar 3. helg. 
*  100% sommarvikariat som sjukepleiar eller vernepleiar i vekene 26-33, 3-delt turnus og kvar 3. helg. Stillinga inneber opptart i sommarturnus ved Seksjon Tertnes i vekene 26-33.

*  Heroinassistert behandling (HAB) har ledig 100% fast stilling som sjukepleiar eller vernepleiar frå snarast. Arbeidstid i HAB er 08.00 - 17.30, hellligdagar til kl 17. Arbeid kvar 3 helg

Arbeidsoppgåver

Seksjon Martens, Tvangspost er ei sengepost med fire døgnplassar for pasientar innlagde etter vedtak i Helse- og omsorgstenestelova §§ 10-2 og 10-3. Overordna mål med opphaldet er avrusing, stabilisering, samt å motivere og leggje til rette for vidare frivillig behandling etter avslutta tvangsopphald. Behandlinga har både eit akutt perspektiv – å førebyggje alvorleg helseskade og eit langsiktig mål om redusert rusmiddelbruk eller rusfrihet. Det blir lagt vekt på individuell tilrettelegging, brukarmedverknad og tett samarbeid med pårørande, kommunale tenester og andre samarbeidspartnarar. Gravide med rusliding er òg ein del av pasientgruppa. 

I byggets andre etasje ligg Korttidspost Martens. Avdelinga har 10 sengeplassar for kvinner og menn. Avdelinga tilbyr eit breitt spekter av tenester til pasientar som treng avklaring og avrusing i ein subakutt fase. Innlegging skjer på frivillig grunnlag. Tilbodet omfattar abstinensbehandling, medisinsk nedtrapping, tidleg stabilisering, miljøterapi, treningsterapi og psykologfagleg oppfølging. 
Kontakt: Seksjonsleiar Trudi Davanger, Tlf. 55958898/ 47999686

Seksjon Tertnes, Kvinneposten har 15 heildøgns sengeplassar for friveleg behandling av rusmiddelavhengige kvinner, der vi jobbar ut frå ein modell kor rammer, struktur og eit støttande miljø stimulerer indre modningsprosessar, som gjer den enkelte i stand til å realisere sitt potensial. Vi verdset eit arbeidsmiljø prega av omsorg for kvarandre, høgt engasjement for pasientane, fagleg utvikling, nysgjerrigheit, eit godt tverrfagleg samarbeid med opne dører og kreativitet.

Kvinneposten jobbar tverrfagleg og behandlingen består mellom anna beståande av gruppeterapi, inividualterapi, treningsterapi og miljøterapi. I tillegg tilbyr vi kunstterapi og musikkterapi samt sosialfagleg oppfølging av klinisk sosionom og pårørandeoppfølging av familieterapeut.
Kontakt: Seksjonsleiar Katrine Erstad Rødlyng, Tlf. 93888808

Heroinassistert behandling (HAB) er ein del av legemiddelassistert rehabilitering (LAR). HAB er eit tilbod for ei utvald målgruppe av personar med avhengigheit til heroin, som ikkje har hatt tilstrekkeleg behandlingseffekt av anna behandling. Det som skil HAB frå LAR er først og fremst legemiddelet. Diacetylmorfin (heroin) kan bli inntatt ved intravenøs injeksjon eller som tablettar og må bli inntatt fleire gonger i døgnet. De fleste pasientene møter opp for inntak av legemiddelet to gonger dagleg, sju dagar per veke.  Alle inntak skjer under påsyn av helsepersonell i HAB-klinikken.

Oppgåver som sjukepleiar og vernepleiar i HAB er å sikre pasientane forsvarleg behandling med diacetylmorfin (heroin) som legemiddel i LAR og å sikre at den enkelte pasient blir gitt eit individuelt tilpassa og helhetlig behandlings- og rehabiliteringsforløp, i samarbeid med andre delar av spesialisthelsetenesta, kommunen og andre relevante tenesteytarar. Pasientkartlegging og datainnsamling til forsking er også ei viktig arbeidsoppgåve. Arbeidstid i HAB er 08.00 - 17.30, hellligdagar til kl 17. Arbeid kvar 3 helg
Kontakt: Seksjonsleiar Vibeke Buljovcic, Tlf. 94798983

Arbeidsoppgåver

• Oppfølging av pasientar, individuelt tilpassa miljøterapi, skape struktur i kvardagen, aktivitet og støttesamtalar
• Tverrfagleg samarbeid i team med oppfølgingsansvar som primærkontakt
• Bidra til å skape ei trygg postatmosfære med omsorg, støtte og struktur for kvar enkelt pasient
• Poliklinisk oppfølging
• Ambulant oppfølging av pasientar utanfor poliklinikk
• Ein vil arbeide i tverrfagleg team med psykolog, lege, sjukepleiar, vernepleiar og sosionom der ein tar sentral del i utarbeiding og gjennomføring av plan for behandling
• Legemiddelhandtering
  

Kvalifikasjonar

• Du har eller får norsk autorisasjon innan sommaren 2026
• Erfaring frå sjukepleiefagleg arbeid innan somatikk, rus og/eller psykisk helsevern er ein fordel
• Dokumentere i tråd med nasjonale lover og retningslinjer
• Personleg eigna for å jobbe med pasientgruppa er ein føresetnad
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad 

Personlege eigenskapar 

• Engasjement og interesse for fagfeltet og pasientgruppa
• Evne til å etablere og stå i utfordrande relasjonar over tid
• Evne til tydeleg og forutsigbar kommunikasjon
• Evne til å arbeide målretta, strukturert og toler å stå i krevande situasjonar
• Evne å samhandle godt med andre
• Bidra positivt til eit fagleg og kollegialt godt miljø
• God fagleg vurderingsevne
• Er fleksibel, løysingsorientert og kan jobba sjølvstendig innanfor rammene
• Opptre profesjonelt i møte med og held seg til Helse Bergen sine etiske retningslinjer i møte med pasientar, kollegagruppe og samarbeidspartar

Vi tilbyr

• Ein arbeidsplass med høg fagleg kompetanse og regelemssig internundervisning 
• Fagleg utfordrande og spennande arbeidsoppgåver                                                                                                                                                                                  
• Engasjerte medarbeidarar i ein spennande avdeling med nybrotsarbeid
• Ein utfordrande og lærerik kvardag med fokus på fagleg utvikling
• Lønn i samsvar med gjeldande overeinskomst og gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Sjå kontaktperson, oppgitt for dei enkelte stillingane
Karina Vorland Løvstad, Seksjonsleiar Trainee- og helsepersonell psykiatri og rus, Bemanningssenteret, karina.vorland.lovstad@helse-bergen.no

Arbeidsstad

Hatleveien 7D
5038 Bergen

Nøkkelinformasjon:

Arbeidsgivar: Helse Bergen HF

Referansenr.: 5125244106
Stillingsprosent: 100%
Fast
Søknadsfrist: 25.05.2026